कैलाली । धनगढी उपमहानगरीपालिका वडा नं. १८ का पूर्व वडाअध्यक्ष मुरारी अधिकारीले केही व्यक्तीले सामाजिक सञ्जालमा चरित्र हत्या गर्ने खालका भ्रामक प्रचारबाजी गर्दै गरेको बताएका छन ।

नेकपा एमालेबाट बिजयी हालका वडाअध्यक्ष भुवन रिजालले आफू बिरुद्ध तथ्यलाइ तोडमोड गरि पूर्व वडाअध्यक्षले १२ लाख खाएर सिफारिस दिएको कुरा वडा कार्यालयमा भएको छलफलमा स्वीकारेको भ्रामक प्रचार सामाजिक सञ्जालमा पोष्ट गरी चरित्र हत्या गर्ने गरेको प्रति आप्mनो गम्भीर ध्यान आर्कषण भएको अधिकारीले बताए ।

आज एक प्रेस विज्ञप्ती प्रकाशित गर्दै उनले सोको जानकारी गराएका हुन । ‘मेरो कुप्रचार गाउँटोलमा भन्दै हिड्ने गरेका छन । सामाजिक संजालको दुरुपयोग गरेका छन’,उनले भने । राजनितिक प्रतिषोध साँध्ने दुस्प्रयास गरिरहेका छन । खल पात्रहरुका कारण आम सर्वसाधाण जनसमुदायको मन मस्तिष्कमा आशंकाको डढेलो लागेको हुँदा यसलाई निभाउन वास्तविकता पस्कने कोशिस गरेको बिज्ञप्तीमा भनिएको छ ।

‘जनप्रतिनिधि जस्तो गरिमामय जिम्मेवारी सम्हालेको व्यक्तीले नै मेरा बिरुद्ध बिष बमन गर्दै हिड्ने र सामाजिक सञ्जालमा झुटको खेती गरेर मेरो चरित्र हत्या गर्ने जस्तो निष्कृष्ट कार्य गरेको घटनाले मलाई निकै गम्भिर बनाएको छ’, अधिकारीद्वारा जारी विज्ञप्तीमा भनिएको छ ।
अधिकारीले विज्ञप्तीमा भनेका छन्, आफुले भोगचलन गर्दै गरेको जग्गा बिक्री गरे बाफत ६ जनाले २।२ लाख लिएको सहमती सहित निवेदन दिएकोले ती व्यक्तीहरुको नाम नै किटान गरी सिफरिस दिएको कुरा सार्वजनिक गरिएको उतm सिफारिस पढ्दा नै स्पष्ट हुन्छ ।

‘धनगढी १८ मा पर्ने भू.पू शैनिक बस्ती भित्र पर्ने सुकुम्बासी आयोगले पुर्जा वितरण गरेको भन्दा बाहेकको ईन्द्रमाया अधिकारी,टेक बहादुर थापा, भान कुमारी थापा मगर,राधाकृष्ण अधिकारी र पुर्ण बहादुर कार्कीले भोग चलन गर्दै आएको ऐलानी पर्ति जग्गाको मात्र सिफारिस गरिएको कुरा स्पष्ट हुँदा हँुदै केही व्यतिmहरुले त्यस्लाई बुझ पचायर पैसा खाएर सिफारिस गर्यो भन्दै कुप्रचार गरेकोमा म खेद प्रकट गर्दछु’ बिज्ञप्तीमा भनिएको छ ।

‘पुष्टी गर्न चुनौती पनि दिन चाहान्छु । स्मरण होस् त्यहाँ कुनै कित्ता उल्लेख गरिएको छैन र निवेदकहरुले आपसी लेनदेनको सहमती सहित अदालतको आदेश संलग्न गरि निवेदन दिएकोले उक्त आदेश अनुसार सिफारिस गरिएको हो ।’उनले भनेका छन् । ‘मालपोतको सूचना निकाल्दा पनि ती ६ जना व्यतmीको ६ वटा कित्ता मात्र उल्लेख गर्नुपर्नेमा अन्धाधुन्द कित्ताहरु राखि सूचना निकालेको र उतm सुचना वडा कार्यालयले समयमै सार्वजनिक नगरी लुकाएको पाइएकोले मालपोत कार्यालय र वडा कार्यालय समेतको मिलेमतोमा जग्गा दलालहरुको वास्तबिक अनुहार छिट्टै स्पष्ट हुनेछ’ बिज्ञप्तीमा भनिएको छ । विज्ञप्तीमा यसरी सामाजिक सञ्जालको दुरुपयोग गरी अरुको चरित्र हत्या गर्नेहरुलाई कानुनी दायरामा ल्याउन सम्बन्धित निकायले पहल गरोस भन्ने माग पनि गरिएको छ ।