धनगढी- सुदूरपश्चिम प्रदेशको पूर्व उद्योग,पर्यटन,वन तथा वातावरण मन्त्री रमेशसिंह धामीले देश माओवादी जनयुद्धले स्थापित गरेका मुद्धामा चलिरहेको बताएका छन् ।
आज अखिल नेपाल ट्रेड युनियन महासंघको प्रथम धनगढी उपमहानगर कमिटीको भेलामा बोल्दै उनले यस्तो बताएका हुन् । उनले भने ‘समानुपातिक समावेशी त्यसै प्राप्त भएको हैन,महिला,दलित जनजातिले अहिले कानूनीरुपमा अधिकार प्राप्त गरेका छन् । यो त्यसै आएको व्यवस्था हैन् । हामीले लडेर ल्याएको व्यवस्था हो ।’
माओवादी केन्द्रका केन्द्रीय सदस्यसमेत रहेका धामीले भने‘माओवादी आन्दोलनका प्राप्त राजनैतिक उपलब्धि सँगसँगै हामीले प्राप्त गरेका पेशागत अधिकार संविधानमा व्यवस्था भएपनि प्राप्त गर्न सकिएको छैन् । त्यसका लागि अखिल नेपाल ट्रेड युनियन महासंघ बलियो हुन आवश्यक छ ।’ ‘अरुले मजदुरका पक्षमा लड्न सक्दैनन् । यो संगठन नै हो मजदुरका पक्षमा लड्ने । अनौपचारिक होस् औपचारिक क्षेत्रका मजदुर हुन सबैको हकहितका लागि यो संगठनले आवाज उठाउनुपर्छ’उनले भने । साथै देशको नेतत्व माओवादीले गरिरहेको र देश माओवादीमय भएकाले अनावश्यक भ्रममा पर्न नहुने उनले बताए ।
