धनगढी- ग्यास सिलिण्डर पड्किएर कैलालीमा एक घरमा आगलागी भएको छ। जिल्लाको मोहन्याल गाउँपालिका–३ का वीरबहादुर थापाको घरमा शुक्रबार बिहान ग्यास सिलिण्डर पड्एिर आगलागी भएको हो। बिहान खाना पकाउने क्रममा ग्यास सिलिण्डर पड्किँदा थापाको एक तले दुई कोठे खरले छाएको कच्ची घरमा आगलागी भएको कैलाली प्रहरीले जनाएको छ।
आगलागीबाट घरसहित घरभित्रका लुगाकपडा, अन्नपात जली अन्दाजी ४ लाख बराबरको क्षति भएको जिल्ला प्रहरी कार्यालय कैलालीले जानकारी दिएको छ।
