धनगढी । एसईई दिई बसेका विद्यार्थी बीच धनगढीमा फुटसल प्रतियोगिता सुरु भएको छ । आज धनगढीको रातोपुलस्थित क्रिसेन्ट सिटी स्कुल (CCS +2)को आयोजनामा धनगढीको फ्ल्याटल्यान्डमा सो प्रतियोगितामा सुरु भएको हो ।
प्रतियोगितामा २८ टीम छात्र र १२ टीम छात्रा को सहभागिता रहेको विधालय व्यवस्थापन समितिका अध्यक्ष हरि रेग्मीले निशाना न्युजलाई जानकारी दिए । अध्यक्ष रेग्मीले रेफ्रीलाई बल हस्तान्तरण गरी प्रतियोगिताको सुरुवात गरेका थिए ।पाँच दिनसम्म चल्ने सो प्रतियोगीतामा छात्रतर्फ विजेता टिमलाई २० हजार र उपविजेता टिमलाई १० हजार पुरस्कार राशी रहेको रेग्मीले बताए । छात्रातर्फ विजेतालाई १० र उपविजेतालाई ५ हजार पुरस्कार रहेको उनले बताए ।

छात्रतर्फ प्रवेश शुल्क १ हजार भएकोले पुरस्कार राशी बढी निर्धारण गरिएका छ भने छात्रातर्फ प्रवेश शुल्क नरहेकोले पुरस्कार राशी कम गरिएको उनले बताए । उत्कृष्ट खेलाडीका लागि मेडल,ट्रफी र प्रमाण पत्र रहेको उनल बताए ।
आज उद्घाटन खेलमा विद्यालय सञ्चालक समितिका अभ्यक्ष अभिषेक श्रेष्ठ, संस्थापक प्रिन्सिपल हरि जोशी, सञ्चालक कृत फुलारालगायत विद्यालयका शिक्षक÷शिक्षिकाको उपस्थिति रहेको थियो ।