धनगढी– नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले गठबन्धन दलबीच सिट बाँडफाँडको काम अन्तिममा रहेको बताएका छन् ।
पार्टीकाे प्रशिक्षणका लागि वरिष्ठ उपाध्यक्षसहित मङ्गलबार धनगढी पुगेका प्रचण्डले पत्रकारसँग कुरा गर्दै उनले छलफल अन्तिम चरणमा पुगेकाे र एक दुई दिन भित्रै सहमति हुने बताएका हुन् । उनले संघ र प्रदेशका सबै क्षेत्र एकै पटक टुङ्गिने बताए।
‘सीट संख्या सबै एकैचोटि टुङ्ग्याउने गरी सबै पार्टीका प्रतिनिधि लागिराख्नुभएको छ,’ उनले भने, ‘आज बेलुकासम्मको समय दिइएको छ। भोलि शीर्ष तहमा बसेर त्यसलाई अन्तिम रूप दिने कुरा छ।’
उनले कांग्रेस ८०, माओवादी ६०, एकीकृत समाजवादी २५, जनता समाजवादी २५ कै आसपासमा रहेर सहमति हुने दाबी गरे ।
