धनगढी–सेती प्रादेशिक अस्पतालको डट्स क्लिनिकबाट ४९ क्षयरोगीका बिरामीले औषधी सेवन गर्ने गरेका छन् । आर्थिक बर्ष २०८१।८२ मा सो संख्याका बिरामीले औषधी सेवन गर्न थालेका हुन ।
यो नयाँ दर्ता बिरामीको संख्या हो । उनीहरुले ६ महिनासम्म लगातार औषधी सेवनपछि निको भयर डिस्चार्ज गर्ने गरेको डट््रस किल्निकका नर्स मानवती ओलीले निशाना न्युजलाई जानकारी दिईन ।
खोकी लाग्ने,खान नरुचाउने,तौल घट्दै जाने साँझपख ज्वरो आयो भने क्षयरोग लक्षण हुन सक्छ उनले भनिन–यस्तो लक्षण देखिएमा नजिकको स्वास्थ्य चौकी वा अस्पतालमा गएर चेकजाँच गर्नुपर्दछ ।
आर्थिक बर्ष २०८०।०८१ मा दुई सय ३२ जना बिरामीले औषधी सेवन गरेका थिए भने २०७९–०८०मा एक सय ८६ जनाले औषधी सेवन गरेको उनले बताईन ।
औषधी सेवन गर्नेमा बढी कैलालीका बिरामी छन भने फाटफुट पहाडी क्षेत्रका बिरामीले उपचारसंगै औषधी सेवन गर्दै आएको उनको भनाई छ ।
अहिले उनीहरु सबै निको भएर घर गइसकेका छन् । दैनिक १२ देखि १५ जनामा क्षयरोगको लक्षण देखा पर्ने गरेको उनले वताईन ।
पहाडी क्षेत्रमा बसोवास गरेका बिरामीलाई भने औषधी सेवन सुचारु गरी नजिकको स्वास्थ्य चौकीमा पठाउने गरेको उनले बताइन् ।
