अशोक ज्वाला
धनगढी । परिश्रम गरे फल अवश्य पाइन्छ भन्ने कुराको उदारणीय बनेका छन धनगढी ३ बोराडाँडीका मनोजराज पडाल । पपुलेशन विषयमा माष्टर्स गरेका पडाल  गैर सरकारी संस्थामा  रोजगार पछी  त्रिभुवन माध्यामिक बिद्यालयमा अध्यापन गराउदै आएका थिए । त्यसमा उनले भविष्य नदेखेपछि उद्यम गर्नु पर्छ भन्ने सोच पलायो ।
सोच्दै जाँदा च्याउ खेती तिर आर्कर्षित हुन थाले पछि उनले फारबेष्टर्न एग्रो फर्म २०७२ सालमा स्थापना गरी च्याउ खेतीको काम शुरु गरे । काम गर्दै जाँदा शुरुवाती चरणमा धेरै संघर्ष गर्नु परेको उनले बताए ।
मैले एक लाख लगानी गरी २ घरबाट च्याउ उत्पादन शुरु गरेको हो उनले भने, ‘आजभोली ६० घरबाट च्याउ संगै बिउ उत्पादन समेत गर्ने गरेको छु ।’ यो खेती बाट बार्षिक ८ लाख ४० हजार रुपैयाँ आम्दानी हुने गरेको उनले बताए ।
२०८० सालमा राष्ट्रपतिबाट जनसेवा श्रीबाट समेत पुरस्कृत भईसकेका उनको र्फममा २७ जनाले रोजगारी पाएका छन् । परिश्रम गरे राम्रो आम्दानी गर्न सकिन्छ उनले भने, मासिक खर्च कटाएर ७० हजार कमाई हुन्छ । महिनाको ४० क्वीन्टल च्याउ फल्छ भने २५ क्वीन्टल बिउ उत्पादन गर्ने गरेको उनले बताए ।
सुदुरपश्चिमका ९ वटै जिल्लामा यहाँ उत्पादन भएको च्याउ बिउ खपद हुने गरेको उनले बताए । प्रदेश सरकारबाट २७ लाख रुपैयाँ अनुदान समेत पाएको उनको भनाई छ । कृषि क्षेत्रमा सरकारको नीतिका कारण काम गर्न अलि असहज भइरहेको उनले बताए ।
च्याउ खेती लाई प्रबिधि मैत्री बनाएर लैजाने सोच बनाएको छु उनले भने, ‘उत्पादन गरेको च्याउको बजारको सुनश्चितता हुनु पर्ने देखिन्छ, उनले भने बास्तबिक कृषकलाई पहिचान गरी सरकारले सहुलियत दिन सके राम्रो हुने थियो ।’
कृषि प्रयोजनका लागी ल्याईने सामानमा भन्सारले मारिहाल्छ उनले भने यस्ता सामाग्रीमा भन्सार छुट हन आबश्यक छ । परिश्रम गर्न सके कुनै पनि युवाले बिदेसिनु पर्ने आवश्यक हुदैन राम्रो कर्म गरे नेपालमै धेरै अवसर रहेको उनको भनाई छ । लक्ष्यलाई दरो सम्म पन्छाउन सके नेपालमै धेरै चिज गर्न सकिने उनको भनाइृ छ ।
धनगढी उपमहानगरपालिकाको नगर प्रहरीले कृषकलाई सताउने काम गरेको छ । गोलो च्याउ पलाष्टिकमा मात्र प्याकिङ हुन्छ त्यो बिषयलाई लिएर नगरप्रहरीले सताउने काम गरेको उनको भनाई छ । मण्डी अघाडी गाडी रोक्न पाइदैन उनले भने नगरप्रहरीले कृषक संग यस्ता हर्कत नगर्न पनि अनुरोध गर्दछु ।