धनगढी । धनगढी उपमहानगरपालिका–४ का वडाध्यक्ष बुद्धिबहादुर खड्काले किसान बहुउदेश्यीय सहकारी संस्था अन्य सहकारी भन्दा विश्वासिलो सहकारी संस्थाको रुपमा स्थापित भइसकेको बताएका छन ।

आज किसान बहुउदेश्यीय सहकारी संस्था लिमिटेडको ३० औं वार्षिक साधारण सभा धनगढी एकाई भेलालाई सम्वोधन गर्दे सो कुरा बताएका हुन ।

शेयर सदस्यको पीरमर्का,समस्यामा अग्रमोर्चामा रहेर संस्थाले काम गरिरहेको देख्न पाउदा आफू निकै खुशी भएको उनले बताए । ‘तपाई शेयर सदस्यको सुझाव सल्लाह अनुसार नै काम गर्ने संस्था रहेछ’ उनले भने ‘सहयोग गर्नुहोस् अझै यो भन्दामाथि उचाईमा अघि बढाउनुहोस् ।’

शेयर सदस्यका पढाइमा राम्रो भएका छोराछोरीलाई पुरस्कृत,उत्कृष्ट सदस्यलाई सम्मान,काजकिरियाका लागि राहत सहयोग उपलब्ध गराएको देख्न पाउदा आफू निकै गौरवान्वित भएको उनले बताए ।

किसान बहुउदेश्यीय सहकारी संस्थाका महाप्रबन्धक डम्बरबहादुर शाहले शेयर सदस्यको मनोभावना अनुसार संस्थाले काम गरिरहेको बताए । संस्थाको २०५२ साल कार्तिक १७ गतेका दिन जन्म भएको उनले बताए । ‘थोरै जनशक्तिबाट लम्कीचुहाबाट कामसुरु गरेको संस्था अहिले विशाल भइसकेको छ’ उनले भने ‘सुदुरपश्चिममा मात्र नभई लुम्बिनी प्रदेशको राजापुरसम्ममा पनि शाखा विस्तार भएको छ ।’ उनले आगामी दिनको लक्ष्य कषि उत्पादनमा जोड दिने रहेको बताए ।

‘ईच्छा राख्नुहोस् तपाईको साथमा संस्था छ’ उनले भने ‘ईच्छा व्यक्त नगर्दासम्म कसैलाई थाहा हुँदैन ।’ सबैले हातेमालो गरेर उन्नत समाज र राष्ट्रको विकासमा ऐक्यबद्धता जनाउन उनले आग्रह गरे । उनले भने ‘प्रयास गरे सबै कुरा सम्भव,छ हामी प्रयास गरौँ बेरोजगारी समस्या चाडै अन्त हुन बेरलाग्ने छैन ।’ कार्यक्रममा धनगढी–४ धनगढी शाखाका प्रबन्धक बिनोद मिजारले स्वागत मन्तव्य राखेका थिए ।

साधारण सभा सदस्य शाान्तीकुमारी थापा,सदस्य कल्पनादेवी सेटी,सुनितादेवी कर्णले मन्तव्य व्यक्त गर्दै संस्थाले आफू र आफ्ना परिवारहरुको जीवनस्तर उकास्ने काममा ठूलो सहयोग गरेको बताए ।

राष्ट्रिय सहकारी बैंकका क्षेत्रीय प्रबन्धक दिनेश गेलालले शेयर सदस्यको सकृयताले मात्र सहकारी माथि उठ्ने बताए । संस्थाका चौमाला इलाका प्रमुख खगेन्द्र देवकाेटाले संस्थाको अवस्थाको बारेमा जानकारी गराएका थिए ।

त्यसै गरी कार्यक्रममा उत्कृष्ट शेयर सदस्य सम्मान कार्यक्रम अन्तरगत १० जनालाई उत्कृष्ठ काम गरेको भन्दै दोसल्ला ओढाएर सम्मान गरेको छ भने शिक्षा पदकमा एसईईमा उत्कृष्ठ नतिजा ल्याएका शेयर सदस्यका २/२ जना छोराछोरीलाई पाँच/पाँच हजार नगद र एक जना एमबीबिएस छात्रलाई १० हजार नगदसहित पुरस्कृत गरेको थियो ।

जन्मदेखि मरणोपरान्तसम्म किसान कोप अन्तरगत कर्जा मिनाहा सुविधामा शेयर सदस्य ललिता विश्वकर्माको मृत्युमा उनका पति झक्कुप्रसाद विश्वकर्मा २५ हजार काजकिरिया सुविधा प्रदान गरेको थियो ।

त्यस्तै,स्वर्गीय अमरबहादुर विश्वकर्माको मृत्युमा पाँच लाख १२ हजार ७१७ काजकिरिया सुविधा शेयर सदस्य कृष्णा विश्वकर्मालाई हस्तान्तरण गरेको थियो । त्यस्तै स्वर्गीय डम्मरनाथ मिश्रको मृत्युमा आठ हजार काजकिरिया सुविधाका लागि सदस्य यमुना मिश्रलाई हस्तान्तरण गरेको थियो ।

मनिराम न्यौपानेको अध्यक्षतामा सुरु भएको कार्यक्रमको संचालन मोतिचोक शाखा प्रमुख बम बडुवाल सिजापतिले गरेका थिए ।