कैलाली । सुदुरपश्चिमका तिन जिल्लाबाट प्रहरीले ३ लाख बढी भन्सार छलीका सामान पक्राउ गरेको छ । कैलाली ,कञ्चनपुर,बैतडी जिल्लाका बिभिन्न स्थानबाट सो बराबरको सामान प्रहरीले बरामद गरेको हो ।

कैलालीको धनगढी उ.म.न.पा.२ शिसा पोष्ट, ऐ.३ मायामेट्रो अस्पताल नजिक, ऐ. १० इटाभट्टा नजिक, ऐ. १२ बिरेघाट र जोशीपुर गा.पा.२ मुद्दीबाट अबैंध रुपमा भारतबाट भन्सार छलि गरि ल्याएका मूल्य रु.१,९८,७८०।– बराबरको चिनी, मिश्री, बदाम, सुर्ती, पर्दा, कुर्सीको कभर, टेबुलको कभर, सुट पिस, सिद्रा माछा, किराना लगायतका सामानहरू सुदूरपश्चिम प्रदेश प्रहरी कार्यालय धनगढी, जिल्ला प्रहरी कार्यालय कैलाली तथा मातहत कार्यालयहरुबाट संयुक्त रुपमा खटिएको प्रहरी गस्ती टोलीले बेबारिसे अवस्थामा फेला पारी नियन्त्रणमा लिएको जनाएको छ ।

कञ्चनपुर भिमदत्त न.पा. ५ सुकासाल र ऐ. १० भन्सार कार्यालय नजिकबाट भारतबाट भन्सार छलि गरि ल्याएका मूल्य रु.९३,६२५।– बराबरको चिनी, मिश्री, नरिवल, बिजुलीका सामान, हाडवेयर, किराना लगायतका सामानहरु जिल्ला प्रहरी कार्यालय कञ्चनपुर मातहत कार्यालयहरुबाट खटिएको प्रहरी गस्ती टोलीले बेबारिसे अवस्थामा फेला पारी नियन्त्रणमा लिएको हो ।

त्यस्तै  बैतडी, दशरथचन्द न.पा.१० अदारीपिण्ड स्थित सडक किनारबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.४२,५१०।– बराबरको चिनी, मिश्री, गुड, गुडपट्टी, दाल, चक्लेट, बिडी, सरप, चप्पल, बदाम लगायतका सामानहरु प्रहरी चौकी बाराकोट, बैतडीबाट खटिएको प्रहरी टोलीले बेबारिसे अवस्थामा फेला पारी नियन्त्रणमा लिएको जनाएको छ ।