कैलाली । काम गरे बिदेश जानु पर्दैन भन्ने उदाहरणीय पात्र बनेका छन मनोज भट्ट । पुर्ख्यौली घर डडेल्धुरा भएका भट्टले धनगढी उपमहानरपालिका–३ चौराहामा फेन्सी पसल संचालन गरेर आम्दानी गर्न थालेका हुन ।
‘विदेशमा संघर्ष भन्दा आफ्नै देशमा संघर्ष गरे राम्रो कमाइ हुन्छ’ उनले भने ‘मलाई पनि विदेश जाने सोच नआएको होइन । पछि साथीभाई र घरको सल्लाह अनुसार धनगढीको चौराहामा रहेको आफ्नै घरमा न्यू फेसन कलेक्सन पसल संचालन गरेर काम गरिरहेको छु ।’
दिनको ३० हजारसम्म बिक्री हुने गरेको उनले बताए । करिब महिनाको ९ लाख बिक्री हुँदा २ लाख पचासहजार रुपैया बचत हुने गरेको उनको भनाइ छ । उनले भने ‘मैले विदेश जाने सपना धेरै देखेँ । व्यापार गरेर केही हुन्छ कि भनेर नेपालमै बसेको हुँ ।’
‘व्यापार जस्तो अरु केहि पनि राम्रो हुँदैन् । व्यापार ग¥यो भने युवाहरुले विदेश जानु पर्दैन्’ उनले भने ‘यो व्यापारबाट मजासँग आफ्नो घरपरिवार चलाइ रहेको छु । युवाहरुलाई विदेश जानुभन्दा स्वदेशमै व्यापार गर्नुस् भन्न म चाहान्छु । चार,छ,आठ सय,हजार १२ सयसम्म हामी स्वदेशी विदेशी सबै कपडा बेच्छौँ ।’
‘हाम्रो यहाँ लेडिज,जेन्स,बच्चा सबैको लुगा पाइन्छ’ उनले भने पसल धनगढी चौराहाको मुख्य चोकमै छ । मैले एसएलसी दिएपछि प्लस टु एसपीएबाट गरे त्यसपछि आएल्स गर्न काठमाण्डौँ पनि गए । पछि विदेश जान मन लागेन । सबै विदेश गएपछि नेपालमा के हुन् भन्ने मनमा लाग्यो ।’
‘त्यसपछि मैले व्यापार सुरु गरे । राम्रो चलेको छ । विदेशभन्दा राम्रो कमाइ यही भइरहेको छ’ उनले भने ‘साथीहरुले व्यापार गरिरहेको देखेर मैले पनि व्यापार गर्ने सोच बनाए । विदेश गएर कमाउनु खर्च त्यति नै हुने देखेर व्यापार सुरु गरे ।’
उनले व्यापारबाट राम्रै बचत हुने गरेको बताए । ‘परिवारसँग पनि बस्न मिलेको छ । साथीहरु घर परिवारसँग हुने भएर एकदम व्यापार गर्ने इच्छा जाग्यो’ उनले भने ‘म आफ्नो व्यापारबाट सन्तुष्ट छु । अहिले मेरो पसलमा दुई जनाले रोजगारी पनि पाएका छन् ।’
भट्टले भने ‘म अब बिदेश जादैन् । यही व्यापार गरेर बस्छु । भविष्यमा छोराछोरीलाई पनि यही लाइनमा लगाउँछु ।’ यसबाट राम्रो हुँदै गयो भने थप शाखा खोल्ने योजना हरेको उनले बताए । उनले भने ‘क्याम्पस रोड,अत्तरिया,महेन्द्रनगर,डडेल्धुरा लगायत क्षेत्रमा शाखा खोल्ने योजना छ । अन्य युवाहरुलाई पनि स्वदेशमै केही गर्नुस् भन्न चाहान्छु ।’
