धनगढी । कैलालीका बिभिन्न स्थानबाट प्रहरीले भन्सार छली गरी ल्याएका ४ लाख ११ हजार ७५० रुपैयाँ मुल्यको सामान पक्राउ गरेको छ ।
शुक्रबार साँझ वडा प्रहरी कार्यालय धनगढी बाट प्रहरी निरीक्षक योगेश खत्री, सत्तीबाट प्र.ब.ना.नि. टेक बहादुर चन्द, स्थायी प्रहरी बिशालनगरबाट प्र.स.नि. भुपेन्द्र शाहीको कमाण्डमा खटिगएको प्रहरी टोलीले सो सामान पक्राउ गरेको हो ।
धनगढी उप-महानगरपालिका वडा नं. ०७ फुलबारी बसपार्कबाट मुल्य रु.२,६७,७०० – बराबरको बिभिन्न मोबाईलका ग्लास, साडी र प्याज पक्राउ गरेको छ ।
टिकापुर नगरपालिका वडा नं. ०७ डाडाबोझीबाट अन्दाजी मुल्य रु.१,३५,५००- बराबरको सुर्तिजन्य पदार्थहरु र मो.सा.थान-१ बरामद गरेको छ ।
त्यस्तै धनगढी उप-महानगरपालिका वडा नं. ०२ ट्राफिक चौराहबाट मुल्य रु.११,५५०- बराबरको चिनि, युरिया मल, बिडी, मो.सा. को ब्याट्री र पानिपुरी बरामद गरेको जिल्ला प्रहरी कार्यालय कैलालीका प्रहरी नायब उपरीक्षक कबिन्द्र सिंह बोहराले जानकारी दिए । पक्राउ गरेका सबै सामान आबश्यक कार्वाहीका लागी भन्सार कार्यालयलाई बुझाएको उनले बताए ।
