महेन्द्रनगर । लामो समय देखि स्वास्थ्य समस्याबाट पीडित पत्रकार सूजित सिनाललाई प्रेस सेन्टर कञ्चनपुरले आर्थिक सहयोग गरेको छ। पत्रकार सिनाल लामो समयदेखि स्वास्थ्य समस्याबाट पीडित छन्।
मङ्गलबार महेन्द्रनगरमा प्रेस सेन्टर नेपाल जिल्ला समन्वय समिति कञ्चनपुरका अध्यक्ष अरुण भट्टले आर्थिक सहयोगका साथै स्वास्थ्य लाभको कामना समेत गरेका छन् । प्रेस सेन्टरका अध्यक्ष अरुण भट्टले श्रमजीवी पत्रकारलाई गम्भीर खालको स्वास्थ्य समस्याले पीडा दिएकाले संगठनले तत्काल उपचारका लागि सक्दो सहयोग गरेको वताए ।
उनले आगामी दिनमा उपचारमा कमी नहुने गरी सक्दो आर्थिक सहायता गर्ने प्रतिबद्धता पनि जनाए । । साथै अध्यक्ष भट्टले पत्रकार र सम्बद्ध निकायलाई कमजोर आर्थिक अवस्था भएका पत्रकार सिनालको उपचारका लागी आर्थिक सहयोग गर्न पनि अनुरोध गरे ।
पत्रकार सुजित सिनाल शुक्लाफाँटा एफएममा कार्यरत पत्रकार हुन्। लामो समयदेखि सुदूरपश्चिम क्षेत्रका विभिन्न मिडियामा काम गर्दै आएका पत्रकार सुजित सिनालको घुँडाको शल्यक्रिया गर्नुपर्ने डाक्टरहरूले सुझाव दिएका छन्। आर्थिक अवस्था कमजोर भएका कारण पत्रकार सिनालको उपचार हुन नसक्दा लामो समयदेखि स्वास्थ्य समस्या झेलिरहेका छन् ।
मङ्गलबार महेन्द्रनगरमा आर्थिक सहायता तथा स्वास्थ्य लाभको कामना गर्न प्रेस सेन्टर कञ्चनपुरका उपाध्यक्ष धर्मराज कठायत, सचिव भास्कर केसी पत्रकार महासंघका कोषाध्यक्ष मोहन बिष्ट, प्रेस सेन्टर प्रदेश कमिटी सचिव पहिलाद राना लगायतका पत्रकारहरूको उपस्थिति रहेका थियो।
