धनगढी । कैलालीमा सिकलसेल स्क्रिनिंग शिविरहरु संचालन भएका छन् । सिकलसेल एनिमिया रोगका बिरामी बढ्न थाले पछि सो शिविर संचालनमा  भएका हुन ।
प्रायः चौधरी थारु समुदायमा देखिने यो रोगका बिरामी जिल्लामा वर्षेनी बढ्दै गएपछि शिविर संचालन गर्नु परेको स्वास्थ्य कार्यालय कैलालीले जनाएको छ । चालु आवको हालसम्म थारु बाहुल्य क्षेत्रमा शिविरमार्फत रगत परीक्षण भैरहेको छ ।

चालुआर्थिक बर्षमाजिल्लाका चारवटा पालिकाका ४ ठाउँमा शिविरमार्फत थारु समुदाय बाहुल्य क्षेत्रमा निःशुल्क रगत जाँच गरिएको र प्रदेश जनस्वास्थ्य प्रयोगशालामा कन्फर्म परीक्षण गरिने स्वास्थ्य कार्यालयले जनाएको छ ।
टिकापुर नगरपालिका वडा नं ५ , जानकीगाउपालिका वडा नं ३ मा यही २३ गते परिक्षण गरिएको छ भने आज घोडाघोडी नगरपालिका वडा नं ४ रामशिखरझालामा कार्यक्रम संचालन भएको जनस्वास्थ्य कार्यालय कैलालीका फोकल पर्सन मीन बहादुर धामीले निशाना न्युजलाई जानकारी दिए ।
जोशीपुर गाउपालिकामा एक दिन परिक्षण गरिने छ उनले भने ‘सिकलसेल पुष्टि भएकाले जीवनभर उपचार गर्नुपर्र्ने हुन्छ । बाहक (ट्रेड) देखा परेकाले रोग सार्न सक्ने भएकाले महिला र पुरुषले विवाह गर्नुभन्दा पहिले रगत परीक्षण गर्नुपर्ने हुन्छ ।’

उनले भने ‘महिला र पुरुष दुबै जना बाहक(ट्रेड) देखा परेकाले विवाह गर्दा बच्चाहरु रोगी जन्मन सक्छन् ।’यो बंशानुगत रोग भएकाले सिकलसेल भएका आमा बुवाबाट जन्मेको सन्तानमा सर्ने बढी सम्भावना रहने धामीले जानकारी दिए।

‘यो प्रायः चौधरी थारु समुदायमा देखिने गरेको छ ।’ बंशाणुगत रोग भएकाले दुबै जनामा सिकलसेल छ भने उहाँहरुबाट जन्मिने सन्ततीमा रोग सर्ने सम्भाना बढी हुन्छ ।

’‘सिकलसेल भएका बिरामीको पूर्णरुपमा उपचार हुँदैन् । जीवनभर उपचार गर्नुपर्ने हुन्छ । रगत रिफ्रेसमेन्ट गरिराख्नु पर्ने हुन्छ ।’ ‘सिकलसेल रोग लागेमा हाडजोर्नी दुख्ने,थकाइ लाग्ने,रक्त अल्पता हुने जस्ता समस्या हुने गर्दछन् । बाहक(ट्रेड) भएका व्यक्तिमा खासै समस्या नदेखिने र देखिए पनि सामान्य हुने गर्छ ।’

चालु आवमै चौधरी थारु बाहुल्य क्षेत्र भएका अन्य पालिकामा पनि सिकलसेलको स्किनिङ्ग शिविर सञ्चालन वजेटको अभावका कारण नहुने देखिएको छ उनले भने , हाल बजेट अभावका कारण ४ वटा पालिकामा मात्रै स्किनिङ्ग गरेको उनले बताए ।

गत आर्थिक बर्षमा धनगढी,भजनी,गौरीगंगा,घोडाघोडी,गोदावरी,जानकी,जोशीपुर,कैलारी,लम्कीचुहा,टिकापुर र बर्दगोरियामा कुल स्किनिङ्ग संख्या २६०४५,सिकसेल बिरामी संख्या ७११ सिकसेल ट्रेट संख्या ३४५२ रहेको उनले बताए ।

सरकारले सिलकलेल भएका बिरामीलाई १ लाखसम्मको उपचार गर्ने गरेको भएपनि ‘बिरामीले जीवनभर उपचार गर्नुपर्ने भएकोले एक लाख अपुग भएको गुनासो बढ्दै गएको उनले बताए ।

सिपमुलक तालीम दिएर आयआर्जनका कार्यक्रम गरिदिएको भए उपचारसँगै जीविकोपार्जमा सहज हुने बिरामीले बताउदै आएका छन् ।