कैलाली । सुदुरपश्चिमका ३ जिल्लाबाट भन्सार छलीगरी ल्याएका ३ लाख ५४ हजार ४१० रुपैया मुल्य पर्ने सामान प्रहरीले पक्राउ गरेको छ । कैलालीबाट १ लाख २१ हजार ६८०, कञ्चनपरबाट २ लाख १२ हजार २५० र बैतडीबाट २० हजार ४८० मुल्य पर्ने सामान प्रहरीले आईतबार साँझ पक्राउ गरेको हो ।
कैलाली धनगढी २ सिशापोष्ट नजिक र गोदावरी ४ बनदेबीबाट भारतबाट भन्सार छलि गरि ल्याएका चिनी, मिश्री, मिठाई, बेसनको
पिठो, पानीपुरी, सुटपिस, स्विटर, दोपट्टा, प्लाजु, मेक्सि लगायतका सामानहरु जिल्ला प्रहरी कार्यालय कैलाली तथा मातहत कार्यालयबाट खटिएको प्रहरी गस्ती टोलीले बेबारिसे अवस्थामा फेला पारी नियन्त्रणमा लिएको हो ।
कञ्चनपुर भिमदत्त ५ सुकासाल र ११ भुजेलाबाट भन्सार छलि गरि ल्याएका चिनि, अचार, खाने तेल, दाल, पिठो, साईकलका सामान, प्लाष्टिक झिल्ली, बिभिन्न किसिमका कपडा, तराकारी, किरानाका सामान, मोटरसाईकल थान-१ लगायतका सामानहरु  सुदूरपश्चिम प्रदेश प्रहरी कार्यालय धनगढी र जिल्ला प्रहरी कार्यालय कञ्चनपुर मातहत कार्यालयबाट संयुक्त रुपमा खटिएको प्रहरी गस्ती टोलीले बेबारिसे अवस्थामा फेला पारी नियन्त्रणमा लिएको छ ।

त्यस्तै  बैतडी, दशरथचन्द ६सेरा स्थित महाकाली नदीको किनारबाट भन्सार छलि गरि ल्याएका २ क्वीन्टल चिनी जिल्ला प्रहरी कार्यालय बैतडीबाट खटिएको गस्ती टोलीले बेबारिसे अवस्थामा फेला पारी नियन्त्रणमा लिएको जनाएको छ ।