धनगढी । सुदूरपश्चिम प्रदेशका सामाजिक विकास मन्त्री मेघराज खड्काले खेल क्षेत्रले देशको गौरव बढाएको बताएका छन् ।
चैतन्य पाठशाला धनगढीले सरस्वती पूजाको अवसरका सोमबार आयोजना गरेको ‘खो–खो विश्वकप २०२५’ का उपविजेता खेलाडीलाई बधाइ तथा सम्मान र पत्रकार महासंघ कैलालीको सूचना केन्द्र स्थापनार्थ सामग्री हस्तान्तरण कार्यक्रममा बोल्दै उनले यस्तो बताएका हुन् ।
कार्यक्रममा बोल्दै उनले भने खेलकुदले राष्ट्रकै गोरव बढाउने काम गरेको छ । खो–खो खेलमा अझ नयाँ कृतिमान कायम गरेको छ । विश्वकपमा उपविजेत नेपाल उपविजेता बनेको छ । उपविजेता सबै खेलाडीलाई बधाई भन्न चाहान्छु ।’
त्यस्तै उनले चैतन्य पाठशालाले शिक्षाको गुणस्तरीयतामा,शिक्षा र संस्कारको विकास गर्नका लागि उदाहरणीय रुपमा प्रस्तुत भएको बताए ।
उनले भने ‘यो चैतन्य पाठशाला आगामी दिनमा सुदूरपश्चिमकै नमुना विद्यालयको रुपमा स्थापना होस् भन्ने कामना व्यक्त गर्दछु ।’
मन्त्री खड्काले कार्यक्रममा भारतमा जनवरी १३ देखि १९ सम्म सम्पन्न खो–खो विश्वकप २०२५ का उपविजेता नेपाली खेलाडीलाई सम्मान पत्र प्रदान गरेका थिए ।
त्यस्तै,पत्रकार महासंघ कैलालीको सूचना केन्द्र स्थापनार्थ महासंघलाई कम्युटर,प्रिन्टर हस्तान्तरण गरिएको थियो ।
कार्यक्रममा बोल्दै पाठशालाका प्रधानाध्यापक कटकबहादुर सिंहले चैतन्यले समय समयमा विभिन्न सामाजिक कार्यक्रम गर्दै आएको बताए ।
कार्यक्रम चैतन्यपाठशालाका पिटिए अध्यक्ष ईश्वर गिरीको अध्यक्षतामा भएकोथियोे । कार्यक्रममा चैतन्य पाठशालाका अध्यक्ष गणेशप्रसाद जोशी,अभिभावक ,पत्रकार,विद्यार्थीलगायतको उपस्थिति रहेको थियोे।कार्यक्रममा विभिन्न नृत्य समेत प्रस्तुत गरिएको थियो ।
