धनगढी । कैलालीमा भन्सार छलीका सामान नियन्त्रणमा लिइएको छ ।
जिल्लाको धनगढी उपमहानगरपालिका–२ सिशापोष्ट, वडा नं–३ मायामेट्रो हस्पिटल नजिक र भजनी नगरपालिका–९ गञ्जुवाबाट अवैध रुपमा भारतबाट भन्सार छली गरि ल्याएका अन्दाजी रु १ लाख ४५ हजार १५० बराबरको सामान प्रहरीले नियन्त्रणमा लिएको हो ।
उक्त मूल्य बराबरको चिनी, नरिवल, हरियो खुर्सानी, सिंगठा, दुध पाउडर, प्रेशर कुकर, प्लाष्टिक डोरी, चक्लेट, पंखाको सेल, एकर फ्युज, कम्प्रेसर पाईप, पंखा कन्ट्रोलर, प्लग टप पिन, पाईप लगायतका सामान जिल्ला प्रहरी कार्यालय कैलाली तथा मातहत कार्यालयबाट खटिएको प्रहरी गस्ती टोलीले बेबारिसे अवस्थामा फेला पारी नियन्त्रणमा लिएको सुदूरपश्चिम प्रदेश प्रहरी कार्यालय धनगढीले जनाएको छ ।
