धनगढी उपमहानगरपालिकाले विशेषज्ञ डाक्टर सहितको निःशुल्क वडा स्वास्थ्य क्लिनिक संचालनमा ल्याएपछि सेवाग्राही खुशी हुन थालेका छन् । महिनाको एक पटक महिलाको पाठेघरको चेकजाँच ,स्तन क्यान्सर लगायत सबै सेवा निःशुल्क रुपमा चेकजाँच लिन थालेपछि सेवा ग्राही खुशि हुन थालेका हुन् । बिशेषगरी धनगढी उपमहानगरपालिकाका नगर प्रमुख गोपाल हमालको पहलका कारण हामीले निःशुल्क रुपमा स्वास्थ्य चेकजाँच पाउन थालेको उनीहरुको भनाई छ । सेवाग्राहीका भनाई जस्ताको त्यस्तै यहाँ प्रस्तुत गरिएको छ :
पदमादेबी बिष्ट,धनगढी उपमहानगरपालिका-३
मैले वडा स्वास्थ्य क्लिनिकबाट पाठेघर सम्बन्धि निःशुल्क रुपमा चेकजाँच लिने मौका पाए । ठिकै भयो, १० दिनको लागी औषधी पनि दिएको थियो । त्यती समस्या छैन् । औषधि दिएर पठाएको हो । हामीले नगरपालिकाका कारण स्वास्थ्य चेकजाँच गर्न पाएका छौ । अझैं पनि नगरपालिकाले यस्ता कार्यक्रम ल्याई सेवा दिँदै गरोस् भन्न चाहन्छु ।
नन्दरादेबी बोहरा,वडा न. १३
मैले चैतको १३ गते वडा कार्यालयमा गएर पाठेघरको चेकजाँच गर्ने मौका पाए । सबै स्वस्थ छ । आगामी दिनमा पनि यसैगरी वडा क्लिनिकमा गएर निःशुल्क स्वास्थ्य परिक्षण गराउन पाईयोस् । गरिब , जो सुकैले पनि स्वास्थ्य परिक्षण गर्न पाएका छन् । हस्पिटल जानु पर्ने अवस्थाको अन्त्य जस्तै भएको छ । धनगढी उपमहानगरपालिकाका नगर प्रमुख गोपाल हमालले यो मात्र नभई सडक बत्ति लगाएतका अन्य थुप्रै काम गरेको छ । यस्तै गरी हमालको स्थानमा पछि जो सुकै आएपनि यस्तै काम गर्नुहोला र देशको प्रगती गर्न तिर लाग्नु होला भन्न चाहान्छु ।
निर्मला महरा, वडा नं. १३
वडा कार्यालयमा मैले पनि पाठेघरको चेकजाँच गराए । हामीलाई राम्रो लागेको छ । केही बर्षपछि फेरी चेकजाँच गराउन आउन होला भनेको छ । प्राईभेट किल्निक जाँदा पैसा लाग्ने गरेको थियो । नगरपालिकाले यो क्ल्निीक संचालनमा ल्याएपछि हामीले निःशुल्क रुपमा सेवा लिन पाउदा खुशी छु । यस्तै गरी नगर प्रमुख गोपाल हमालले आगामी दिनमा पनि यस्ता काम गर्दै जानु हुनेछ भन्ने आशा लिएकी छु ।
