काठमाडौँ । कहिलेकाहीँ खुट्टा सुन्निनु कतिपयले सामान्य मान्छन् । तर कहिलेकाहीँ यसले गम्भीर रोगको संकेत पनि गरेको हुन सक्छ । त्यसकारण यसलाई बेवास्ता गर्नु स्वास्थ्यको लागि जोखिमपूर्ण हुन सक्छ । आजको यस लेखमा हामी तपाईंलाई खुट्टा सुन्निने रोगहरू के के हुन सक्छन् र यसलाई कसरी कम गर्न सकिन्छ भन्ने बारेमा बताउँदैछौं । खुट्टा सुन्निनु मिर्गौला, मुटु, कलेजो, थाइराइड र मधुमेह जस्ता रोगहरूको संकेत हुन सक्छ। नुन कम खाने, व्यायाम गर्ने, खुट्टा माथि राख्ने र प्रशस्त पानी पिउनाले सुन्निने समस्या कम गर्न सकिन्छ।
खुट्टा सुन्निने समस्या भएमा डाक्टरलाई देखाउनु र जीवनशैलीमा परिवर्तन गर्नु स्वास्थ्यका लागि आवश्यक छ।
मिर्गौला रोग
यदि मिर्गौलाले राम्रोसँग काम गरिरहेको छैन भने शरीरमा अतिरिक्त तरल पदार्थ जम्मा हुन सक्छ, जसले गर्दा खुट्टा र गोलीगाँठो सुन्निन सक्छन् । यो समस्या दीर्घकालीन मिर्गौला रोग भएका बिरामीहरूमा बढी देखिन्छ ।
मुटुमा समस्या
मुटुले राम्रोसँग रक्तसञ्चार गर्न सकेन भने खुट्टामा तरल पदार्थ जम्मा हुन थाल्छ । मुटुको कमजोरी वा कन्जेस्टिभ हार्ट फेलियर जस्ता अवस्थाहरूले पनि खुट्टा सुन्निन सक्छन् ।
कलेजोसँग सम्बन्धित समस्या
कलेजोमा समस्या छ भने यो समस्याले शरीरमा प्रोटिनको स्तर घट्न सक्छ, जसले गर्दा खुट्टा सुन्निन सक्छ । यो लक्षण लिभर सिरोसिस वा कलेजोसम्बन्धी अन्य रोगहरूमा देख्न सकिन्छ ।
थाइराइडसम्बन्धी समस्या
हाइपोथाइराइडिज्मले शरीरमा पानीको असन्तुलन निम्त्याउन सक्छ, जसले गर्दा खुट्टा सुन्निन सक्छ ।
मधुमेह
रक्तसञ्चार कमजोर हुँदा मधुमेहका बिरामीहरूलाई खुट्टा सुन्निने, पोल्ने वा घाउ हुने सम्भावना हुन्छ ।
यसरी सकिन्छ सुन्निएको घटाउन
– नुनको सेवन कम गर्नुहोस् । अत्यधिक नुनले शरीरमा पानी जम्मा गर्छ ।
– व्यायाम गर्नुहोस् र शरीरलाई सक्रिय राख्नुहोस् ताकि रक्तसञ्चार उचित रहोस् ।
– आफ्नो खुट्टालाई माथि उठाएर राख्नुहोस् , जसले गर्दा रक्तसञ्चारमा सुधार हुनेछ ।
– लगातार खुट्टा सुन्निरह्यो वा दुखाइ बढ्यो भने डाक्टरसँग परामर्श लिनुहोस् ।
– शरीरबाट विषाक्त पदार्थ बाहिर निकाल्न प्रशस्त पानी पिउनुहोस् ।
खुट्टामा बारम्बार सुन्निने समस्या छ भने, यसलाई हल्का रूपमा नलिनुहोस् । यो कुनै गम्भीर रोगको संकेत हुन सक्छ । स्वस्थ रहनको लागि सही समयमा डाक्टरसँग परामर्श लिनुहोस् अनि आफ्नो जीवनशैलीमा पनि परिवर्तन ल्याउनुहोस् ।
अस्वीकरण : यहाँ दिइएका सल्लाह अनलाइनबाट तयार पारिएको हो । यसले सामान्य जानकारी मात्रै दिन्छ । यसलाई पालना गर्नु अघि आफ्नो चिकित्सकसँग परामर्श गर्नु होला । एजेन्सी
