डोटी । डोटीको बोगटान फुड्सिल गाउँपालिका जिल्लाको तेस्रो पूर्ण खोप सुनिश्चितता तथा दिगोपना गाउँपालिका घोषणा भएको छ । यस वर्ष पनि ५९ महिना मुनिका गाउँपालिकामा सेवा क्षेत्र भित्रका सम्पूर्ण बालबालिकाले सबै प्रकारका खोप पाएपछि पालिकालाई पूर्ण खोप सुनिश्चित गाउँपालिका घोषणा गरिएको हो ।
जिल्ला खोप समन्वय समिति डोटीका प्रमुख लक्ष्मणबहादुर सिंहले बोगटान फुड्सिल गाउँपालिका खोप समन्वय समिति डोटीका अध्यक्ष कमलबहादुर गड्सिलालाई खोप सुनिश्चितता तथा दिगोपना भएको प्रमाणपत्र हस्तान्तरण गरेका हुन ।
सरकारले खोप कार्यक्रमलाई राज्यको प्रमुख प्राथमिकतामा राखेको जिल्ला समन्वय समिति डोटीका प्रमुख सिंहले बताए । उनले भने ‘जसरी सरकारले यसलाई पहिलो प्राथमिकतामा राखेको यलाइ सफल बनाउन स्वास्थ्यकर्मीले खेल्नु भएको भूमिका प्रति म धन्यवाद व्यक्त गर्दछु ।’
बोगटान गाउँपालिकाले स्वास्थ्य क्षेत्रलाई प्राथमिकतामा राखेर योजना तथा कार्यक्रम निमार्ण गर्दै आएको बोगटान फुड्सिल गाउँपालिकाका अध्यक्ष कमलबहादुर गड्सिलाले बताए ।
खोप कार्यक्रमलाई प्रभावकारी बनाउन भूमिका खेल्ने स्वास्थ्य क्षेत्रका व्यक्तिहरूलाई सम्मान गरिएको थियो । कार्यक्रमको अवसरमा सात स्वास्थ्य चौकीका प्रमुख, सामुदायिक स्वास्थ्य इकाईका प्रमुख, स्वास्थ्यकर्मी, सामुदायिक महिला स्वास्थ्य स्वयमसेविका तथा कार्यालय सहयोगीहरूलाई सम्मान गरिएको थियो ।
