धनगढी । पत्रकार लक्षित रक्तदान सचेतनामुलक कार्यक्रम गरिएको छ । सामाजिक विकास मन्त्रालयको सहयोगमा आज प्रेस युनियन कैलालीले सो कार्यक्रम गरेको हो ।
कार्यक्रमको उद्घाटन गर्दै सामाजिक विकास राज्यमन्त्री सरस्वती खड्काले अहिलेको अवस्थामा रक्तदान अपरिहार्य भएको बताइन् । सुदूरपश्चिमका केही सीमित जिल्लामा मात्र ब्लड बैंक स्थापना गरिएको औल्याउँदै उनले भनिन् ‘मन्त्रालयले छिट्टै ९ वटै जिल्लामा ब्लड बैंक स्थापनाका लागि गृहकार्य गरिरहेको छ ।’
रक्तदानले समुदायमा ठूलो योगदान पुग्ने पनि उनले बताइन् । सो कार्यक्रममा रक्तदान सद्भावना दुत दीपक उपाध्यायले रगत दिँदा हुने फाइदा र समाजमा पर्ने सक्ने सकारात्मक प्राभाव लगायतका बिषयमा प्रस्तुतिकरण गरेका थिए । नेपाल पत्रकार महासंघ सुदूरपश्चिम प्रदेश अध्यक्ष भरत शाह,कैलाली जिल्ला अध्यक्ष श्रवण देउवा, प्रेस युनियनका केन्द्रीय सदस्य हिमाल जोशीले मन्तव्य व्यक्त गरेका थिए ।
नेपाल प्रेस युनियन कैलालीका अध्यक्ष सीताराम ओझाको अध्यक्षतामा भएको कार्यक्रममा उपाध्यक्ष सुनिल आउजीले स्वागत मन्तव्य व्यक्त गरेको थिए भने कोषाध्यक्ष गगन अयडीले धन्यवाद ज्ञापन गरेका थिए ।
