धनगढी । कैलाली भन्सार कार्यालयको राजस्व संकलन लक्ष्यमा पुग्न सकेन् । गत आव २०८१/८२ मा भन्सार कार्यालयले लक्ष्यअनुसारको राजस्व संकलन गर्न नसकेको हो ।
गत आव २०८१/८२ मा कार्यालयको ११ अर्ब १६ करोड २६ लाख राजस्व सङ्कलनको वार्षिक लक्ष्य रहेकामा आठ अर्ब ६६ करोड ९८ लाखमात्रै राजस्व सङ्कन भएको भन्सार कार्यालयका सूचना अधिकारी खिमप्रसाद अर्यालले जानकारी दिए ।
जुन वार्षिक लक्ष्यको ७७ दशमलव ६७ प्रतिशतमात्रै रहेको उनले जानकारी दिए । उनले भन्सार महसुलतर्फ ३ अर्ब २३ करोड ९९ लाख,मूल्य अभिबृद्धि करतर्फ ३ अर्ब २३ करोड १५ लाख, अन्यतर्फ १ अर्ब ९८ करोड ३९ लाख र अन्तःशुल्कतर्फ २१ करोड ४४ लाख राजस्व सङ्कलन भएको उनले बताए ।
भन्सार कार्यालयले अघिल्लो आव २०८०/८१ मा पनि राजस्व सङ्कलन लक्ष्यमा पुग्न सकेको थिएन । अघिल्लो आवमा ११ अर्ब ५८ करोड २४ लाख वार्षिक राजस्व सङ्कलनको लक्ष्य रहेकोमा सात अर्ब ९१ करोड ८० लाखमात्रै राजस्व सङ्कलन भएको थियो ।
जुन वार्षिक लक्ष्यको ६८ दशमलव ३६ प्रतिशतमात्रै रहेको भन्सार कार्यालयले जनाएको छ ।
