धनगढी । कैलालीको कैलारी गाउँपालिका–३ स्थित मोहनपुर र वडा नम्बर ४ भितरिया जोड्ने झोलुङ्गे पुल सञ्चालनमा आएपछि स्थानीय खुशि भएका छन् ।
बर्षायाममा मोहना नदीका कारण आउजाउ गर्न समस्या थियो । झोलुङ्गे पुल निर्माण सम्पन्न पश्चात सो क्षेत्रका नागरिकलाई निकै राहत मिलेको छ । पुल नहुँदा डुङ्गाको भरमा नदी वारपार गर्नुपर्ने बाध्यता रहेको थियो ।
मोहना नदीमा पुल नहुँदा सबैभन्दा बढी बालबालिकालाई स्कुल जान समस्या हुने गरेको स्थानीय कृण्ण कुमार थारुले बताए । वडा नं ३ को मोहनपुरमा ९६ घर रहेको उनले बताए ।
त्यहाँका स्थानीयलाई साँझ विहान बजारबाट सामान लिन जाँदा पनि नदी पार गर्न डुङ्गाको प्रयोग गर्नु पथ्र्यो, उनले भने अहिले पुलनिर्माण पश्चात ढुक्कले आउजाउ गर्न मिल्छ ।
बालबालिका स्कुल जान त्यती समस्या भएन जिवनयापन सहज चलिरहेको छ । पहिला पुल नहँुदा आउजाउ गर्न धेरै समस्या थियो ।
मोहनपुर र भितरिया गाउँका स्थानीयको समस्यालाई मध्यनजर गरेर सङ्घीय सरकारको शहरी विकास मन्त्रालय स्थानीय पूर्वाधार विभाग अन्तर्गत सस्पेन्सन बृज डिभिजनको तीन करोड ४३ लाखको लागतमा उक्त झोलुङ्गे पुल निर्माण गरिएको हो ।
२०८१ असोजमा झोलुङ्गे पुल निर्माण सम्पन्न पश्चात सो क्षेत्रका नागरिक निकै खुशि छन् । पुल नहुदा ढुङ्गाको यात्रा गनु पर्थेयो एक दमै समस्या हुने गरेको थियो पुलनिर्माण पश्चात निकै राहत मिलेको अर्का स्थानीय भवराम चौधरीले बताए ।
सो पुल निर्माणका लागि एमपी ठेगिम सनलाइट जेभी नेपालगञ्ज बाँके निर्माण कम्पनीसँग २०७८ असोज १३ गते सम्झौता भएर २०८१ माघ १० गते पुल निर्माणको काम सम्पन्न भएको हो ।
