धनगढी । कैलालीको धनगढी उपमहानगरपालिका–३ चटकपुरस्थित धनगढी नेत्रालय प्रालि र डिलाशैनी टोल विकास संस्थाबीच उपचारमा छुट दिने सम्झौता भएको छ । बिहीबार अस्पताल र संस्थाका बीचमा आँखाका बिरामीहरुलाई उपचार गराए बाफत छुट प्रदान गर्ने सम्झौता भएको हो ।
सम्झौतापत्रमा धनगढी नेत्रालय प्रालिका तर्फबाट अस्पतालका अध्यक्ष गजेन्द्रबहादुर चन्द र डिलाशैनी टोल विकास संस्थाका तर्फबाट अध्यक्ष अक्कलबहादुर बिष्टले हस्ताक्षर गरेका छन् ।
डिलाशैनी टोल विकास संस्थाबाट सिफारिस भई आएका विपन्न,गरिब,जेष्ठ नागरिक एकल महिलाहरुलाई आँखाको उपचार गराए बाफत अस्पतालले छुट प्रदान गर्ने सम्झौता सम्झौतामा उल्लेख छ ।
‘उपचारको क्रममा बिरामीहरुले उपचार्थ डिलाशैनी टोल विकास संस्थाका सम्पूर्ण सदस्यहरुका घर परिवारले सो संस्थाको परिचय तथा सिफारिस पहिचान खुल्ने गरि कागजात पेश गुर्नपर्ने छ’सम्झौतामा भनिएको छ ।
अस्पतालले ओपीडी शुल्कमा १०,ल्याबमा २०,बेड चार्जमा २० र शल्यक्रिया सेवामा १० प्रतिशत छुट दिने सम्झौतापत्रमा उल्लेख छ ।
सम्झौतापत्र प्रत्येक २ बर्षमा नवीकरण गर्नुपर्ने उल्लेख छ ।
