धनगढी । कैलाली कारागार कैदीबन्दीको संख्या एकीन गरिएको छ । आइतबार सशस्त्र प्रहरी बल, नेपाल प्रहरी तथा मानवअधिकारको टोली कैदीबन्दी रहेको थुनुवा कक्षमा प्रवेश गरी कैदीबन्दीको संख्या एकीन गरिएको हो ।
आइतबार साझ तिर कारागारमा सशस्त्र प्रहरी नेपाल प्रहरी र मानव अधिकार आयोगको टोलीले कैदीबन्दीको गणना गरेको छ । गणनाका क्रममा सबै कैदीबन्दी भेटिएको जिल्ला प्रशासन कार्यालय कैलालीका सूचना अधिकारी शिवराज जोशीले बताए ।
कारागारमा ७०० कैदीबन्दी रहेका थिए । त्यसमध्ये गणनाका क्रममा कारागारभित्र ब्लक ‘ए’ मा ३९६, ‘बी’ मा १९८ र महिला ५६ गरी छ सय ५० कैदीबन्दी एकिन गरिएको तथा एक जनाको मृत्यु भएको थियो भने ४९ घाइते छन् ।
घाइतेमध्ये एक जनालाई शनिबार नेपाली सेनाको स्काई ट्रकमार्फत थप उपचारका लागि काठमाडौं पठाइएको छ भने बाँकी धनगढीस्थित सेती प्रादेशिक अस्पतालअन्र्तगतको कोरोना उपचार गृहमा उपचार भइरहेको छ ।
