धनगढी । कैलालीमा बसको ठक्करबाट एक साइकलयात्रीको मृत्यु भएको छ । जिल्लाको टीकापुर नगरपालिका–१ चौराहास्थित सडकमा सु.प.प्र.०१–००१ ख ३५८३ नम्बरको बसको ठक्करबाट साइकलयात्री सोही नगरपालिका–६ नारायणपुर बस्ने ४५ वर्षीय अटुवारी चौधरीको मंगलबार बिहान मृत्यु भएको हो ।
प्रहरीका अनुसार ठक्करबाट गम्भीर घाइते भएका उनको टीकापुर अस्पतालमा उपचारको क्रममा मृत्यु भएको हो । साथै उक्त बसले सु.प.प्र. ०१–०१२ प १८६९ नम्बरको मोटरसाइकललाई समेत ठक्कर दिँदा घाइते भएका मोटरसाइकल चालकको कोहलपुर मेडिकल कलेजमा उपचार भइरहेको जनाइएको छ ।
दुर्घटनाका सम्बन्धमा प्रहरीले आवश्यक अनुसन्धान गरिरहेको जनाइएको छ ।
