धनगढी । गैरसरकारी संस्था महासंघ (गैसस) सुदूरपश्चिम प्रदेशले गैसस महासंघका रणनीति,नीति तथा मार्गनिर्देश सम्बन्धी अभिमुखीकरण गरेको छ ।
बुधबार गैरसरकारी संस्था महासंघ (गैसस) सुदूरपश्चिम प्रदेशले धनगढीमा आयोजना गरेको गैससको रणनीति,नीति तथा मार्गदर्शन सम्बन्धी प्रदेशस्तरीय अभिमुखीकरण सम्पन्न भएको छ ।
२०३० सम्मको रणनीति निर्माण गरिरहेको सन्दर्भमा गैससले कार्यक्रम गरिएको हो । कार्यक्रममा गैसस विज्ञ, गैससकर्मी, गैसस पदाधिकारी, सामाजिक अभियन्ता र अन्य क्षेत्रका अगुवासहितको समिक्षात्मक विमर्शसहित आगामी रणनीति तय गरिएको छ । गैससका ६ वटा रणनीति र नीतीगत विषयमा केन्द्रित रहेर अन्तरक्रियात्मक अभिमुखीकरण गरिएको थियो ।
गैरसरकारी संस्था महासंघका केन्द्रीय उपमहासचिव भवराज रेग्मीले गैसस महासंघ र गैससले समयनुकुल रणनीति, योजना र कार्यक्रम निर्माण गरेर अघि बढनु पर्ने बताए ।
सहभागीहरूले सामाजिक विकास र समुदायको उत्थानमा गैरसरकारी संस्थाहरूको भूमिकालाई थप सशक्त बनाउनुपर्नेमा जोड दिएका थिए ।
गैसस महासंघ सुदूरपश्चिमका अध्यक्ष देवी खनालको अध्यक्षतामा भएको कार्यक्रमा गैसस महासंघका केन्द्रीय सदस्य,गैसस महासंघका नौ वटै जिल्लाका अध्यक्षहरु लगायतको उपस्थिति रहेको थियो ।
