धनगढी । कैलालीमा एक गाईगोठमा आगलागी हुँदा विभिन्न धनमाल जलेर नष्ट भएका छन् ।
बुधबार जिल्लाका धनगढी उपमहानगरपालिका– १४ फूलबारीका सर्वानन्द चौलागाईको काठ र टिनले बनेको कच्ची गाईगोठमा आगलागी हुँदा विभिन्न धनमाल जलेर नष्ट भएको सुदूरपश्चिम प्रदेश प्रहरी कार्यालय धनगढीले जनाएको छ ।
मच्छर धपाउन बालेको आगोबाट आगलागी हुँदा अन्दाजी १ लाख ५० हजार बराबरको धनमाल जलेर नष्ट भएको जनाइएको छ । मानवीय तथा चौपाया क्षति नभएको तथा स्थानीय, प्रहरी र दमकलको सहयोगमा आगलागी नियन्त्रणमा आएको जनाइएको छ ।
