दार्चुला । नौगाड गाउँपालिका-४ होपरीस्थित सडकमा होपरीबाट होपरीगाडतर्फ जाँदै गरेको सु.प.प्र.०४-००१ ज ०१०३ नम्बरको जिप सडकबाट करिब ७० मिटर तल खसेर बिहीबार बिहान दुर्घटना हुँदा जिपमा सवार सोही गाउँपालिका-४ बस्ने २५ वर्षीया पार्वती टमटाको
मृत्यु भएको छ ।
दुर्घटनामा गम्भीर घाइते भएकी उनको गोकुलेश्वर अस्पतालमा उपचारको क्रममा मृत्यु भएको हो । साथै दुर्घटनामा घाइते भएका जिपमा सवार ९ जना मध्ये ८ जनाको सोही अस्पतालमा उपचार भइरहेको छ भने १ जनालाई थप उपचारको लागि धनगढीतर्फ पठाइएको छ । प्रहरीले जिप चालकलाई नियन्त्रणमा लिई दुर्घटनाका सम्बन्धमा आवश्यक अनुसन्धान गरिरहेको छ ।
