धनगढी । कैलालीको गोदावरी नगरपालिकाले गौरा पर्वको अवसरमा यही भदौ १३ गते (शुक्रबार) एक दिनका लागि स्थानीय बिदा दिने भएको छ । आज एक सूचना जारी गर्दै नगरपालिकाको १३० औं कार्यपालिका बैठकको निर्णय अनुसार बिदा दिइएको जनाएको छ ।
प्रमुख प्रशासकीय अधिकृत धर्मराज विनाडीद्वारा जारी सूचनामा भनिएको छ ‘गौरा पर्वको अवसरमा नगर कार्यपालिकाको कार्यालय, मातहतका कार्यालय (अत्यावश्यक सेवा बाहेक) तथा सम्पूर्ण शैक्षिक संस्थाहरूमा बिदा रहनेछ।’
‘साथै गौराको अवसरमा सम्पूर्ण नगरबासीलाई यस कार्यालयको तर्फबाट हार्दिक मंगलकामना व्यक्त गरिन्छ’ जारी सूचनामा भनिएको छ। गौरा पर्व सुदूरपश्चिममा भव्य तरिकाले मनाउनले गरिन्छ । पछिल्लो समय गौरा पर्व सुदूरपश्चिमलगायत बाहिरी जिल्लामा समेत मनाउने गरिन्छ ।
