काठमाडौँ । प्रहरी प्रधान कार्यालयले जिल्ला प्रहरी कार्यालय कैलालीका एसपी बालनरसिंह राणालाई फिर्ता बोलाउने निर्णय गरिएको छ । प्रहरी प्रधान कार्यालयले बुधबार राणालाई फिर्ता बोलाउने निर्णय लिएको हो । उनलाई उपत्यका प्रहरी कार्यालयमा काज सरुवा गरिएको छ ।
कैलालीको प्रहरी प्रमुखमा एसपी नरेन्द्र चन्दलाई पठाइएको छ । चन्द केन्द्रीय अनुसन्धान ब्युरो (सीआईबी)मा कार्यरत थिए । गत साउन २३ मा कैलाली कारागारमा झडप हुँदा एक जना कैदीको मृत्यु भएको थियो । सो घटनामा सुरक्षा समन्वयमा कमजोरी देखिएको भन्दै गृह मन्त्रालयले तत्कालीन प्रजिअ गोगनबहादुर हमाललाई जिम्मेवारीबाट हटाएर कृष्णप्रसाद लम्साललाई प्रजिअको जिम्मेवारी दिएको थियो ।
