धनगढी । कैलालीको चुरे गाउँपालिकामा आधारभूत प्राथमिक उपचार सम्बन्धी तालिम सोमबारबाट सुरु भएको छ । नेपाल रेडक्रस सोसाइटी कैलाली शाखाको आयोजनामा तालिम सञ्चालन भएको हो ।
तालिमको उद्घाटनमा बोल्दै चुरे गाउँपालिकाका अध्यक्ष चक्र बोगटीले प्राथमिक उपचारले धेरैको ज्यान जोगाउन सकिने बताए । उनले भने ‘कुनै दुर्घटना हुँदा होस या अन्य कुनै बिरामी होस् हामीले यहाँ सिकेका कुराले धेरैको ज्यान बचाउनमा मद्दत पुग्ने मेरो विश्वास छ ।’
उनले तालिमका सहभागिलाई तालिममा ध्यानपूर्वक सिक्न र सिकेका कुरा गाउँघरमा गएर आगु गर्न पनि आग्रह गरे । उनले यस्ता तालिमले गाउँघरमा कसैलाई अप्ठ्यारो पर्दा महत्वपूर्ण सहयोृग पुग्ने अपेक्षा गरे ।
त्यस्तै,नेपाल रेडक्रस सोसाइटी कैलाली शाखाका सभापति लोकराज जोशीले प्राथमिक उपचार सुरुमा हुने भएकाले यो तालिमले सहयोग पु¥याउने बताए । उनले भने ‘प्राथमिक उपचार भनेको गाउँमै हुने,सुरुमै हुने उपचार हो । कुनै दुर्घटना भयो या कुनै समस्या भयो भने तालिम लिएकाको सहयोग महत्वपूर्ण हुन्छ ।’
मान्छे बचाउनका लागि यो तालिमले महत्वपूर्ण भूमिका खेल्ने उनले बताए । यस्ता तालिम दिएका अन्य ठाउँमा पनि प्रभावकारी रहेको उनले बताए ।
