धनगढी । कैलालीमा विभिन्न मुद्दाका ४ जना फरार प्रतिबादी पक्राउ परेका छन्।
पक्राउ पर्नेमा लागुऔषध चरेश मुद्दामा १ महिना ८ दिन कैद सजाय तोकिएका घोडाघोडी नगरपालिका–१० पहलमानपुर बस्ने २३ वर्षीय चक्र जैगडी, सोही मुद्दामा १ महिना १५ दिन कैद सजाय तोकिएका जानकी गाउँपालिका–७ गोलोरी बस्ने २१ वर्षीय शंकर चौधरी, वहु–विवाह मुद्दामा १ बर्ष कैद सजाय र १० हजार जरिवाना तोकिएकी टीकापुर नगरपालिका–२ बिजयपुर बस्ने २७ वर्षकी मीनाकुमारी चौधरी तथा बैंकिङ कसुर मुद्दामा ३ दिन कैद सजाय र १५ हजार जरिवाना तोकिएका भजनी नगरपालिका–९ बस्ने बर्ष ३३ वर्षीय बुधराम चौधरी रहेको प्रहरीले जनाएको छ ।
जिल्ला अदालत कैलालीको विभिन्न मितिको फैसलाले कैद सजाय तथा जरिवाना ठहर भई फरार रहेका उनीहरुलाई आइतबार जिल्ला प्रहरी कार्यालय कैलाली मातहत कार्यालयबाट खटिएको प्रहरी टोलीले पक्राउ गरेको जनाइएको छ।
