धनगढी । नेपाली कम्युनिष्ट पार्टीको मंसिर १२ गते धनगढीमा हुने पार्टी एकता सन्देश सभाको व्यापक तयारी थालिएको छ ।
धनगढीमा हुने सुदूरपश्चिम प्रदेशस्तरीय एकता सन्देश सभाको व्यापक तयारी थालिएको हो ।
सन्देश सभालाई भव्य बनाउन नेपाली कम्युनिष्ट पार्टीका नेता डा. भीम रावलको संयोजकत्वमा मूल व्यवस्थापन समिति गठन गरिएको जनाइएको छ ।
त्यस्तै,सन्देश सभाको तयारीका लागि विभिन्न १३ वटा उपसमिति गठन गरिएको नेपाली कम्युनिष्ट पार्टी सुदूरपश्चिम प्रदेशले जनाएको छ ।
ती उपसमितिहरुले बैठक बसेर विभिन्न निर्णय गर्दै काम कारबाहीलाई अगाडि बढाएका छन् । बुधबार सूचना,सञ्चार तथा सूचना प्रविधि उपसमितिको बैठक बसेर मंसिर १२ गतेको पार्टी एकता सन्देश सभालाई प्रभावकारी बनाउन विभिन्न निर्णयहरु गरेको छ ।
बैठकमा सूचना प्रविधिलाई १३ वटै उपसमितिसँग जोड्ने तथा आम जनताका बीचमा सूचना सम्प्रेषण गर्ने निर्णय भएको जनाइएको छ ।
उपसमितिका संयोजक माधव पन्त,सह संयोजक केशवनाथ योगीको उपस्थितिमा बसेको बैठकमा नेपाली कम्युनिष्ट पार्टीका नेता डा. भीम रावल,सुदूरपश्चिमका पूर्वमुख्यमन्त्री त्रिलोचन भट्ट,नेपाली कम्युनिष्ट पार्टीका नेताहरु भानुभक्त जोशी,लक्ष्मणदत्त जोशी,गणेश विकलगायतको उपस्थिति रहेको थियो ।
बैठकमा बोल्दै नेता डा. रावलले मंसिर १२ गतेको सन्देश सभालाई भव्य बनाउन सूचना प्रविधिको व्यापक प्रयोग गर्नुपर्ने बताए ।
