धनगढी । २२ औ महिला सामुदायिक स्वास्थ्य स्वयंसेविका दिवस २०८२ विभिन्न कार्यक्रमगरी कैलालीमा मनाएको छ । दिवसको अवसरमा कैलालीगाँउ वडा नं.१३ कास्वास्थ्य स्वयमंसेविकाहरुले विहान नारा सहितको जुलुस गाँउपरिकर्मा गरेको थियो । जुलुस शहरी स्वास्थ्य केन्द्र कैलाली गाँउमा आएर सभामा परिणत भएको थियो ।
सभालाई सम्बोधन गर्दै कैलाली गाँउ वडा नं १३ कार्यवाहक अध्यक्ष लाल वहादुर चौधरीले समाजमा स्वास्थ्य स्वयंसेविकाले खेलेको भुमिका महत्वपुर्ण रहेको बताएका छन् ।
वडा सदस्य हिरालाल रानाले स्वयंसेविकाहरुले समाजमा ठुलो योगदान गरिरहेका बताएका छन । समाजमा आउने खोप सेवा लगायतका हरेक सेवाका लागी समाजलाई जानकारी दिन महत्वपुण भुमिका खेल्दै आएका स्वयसेविकालाई वडाको सहयोग रहदै आएको र आउने दिनमा सहयोग रहने उनको भनाई छ ।
स्वास्थ्य ईन्चार्ज पुर्णानन्द जोशीले शुभकामना मन्तब्य व्यक्त गरेका थिए । दिवसकै अवसरमा विहानको समय राजपुर चोकमा सरसफाई पनि गरिएको थियो ।
