धनगढी । नेपाली कम्युनिस्ट पार्टीको आज कैलालीको अत्तरियामा नगर एकता सन्देश सभा हुँदैछ ।
पार्टीको गोदावरी नगरपालिकाको एकता सन्देश सभा हुन लागेको हो ।
नेपाली कम्युनिस्ट पार्टी गोदावरीका युवा नेता धर्मसिंह कुँवरका अनुसार नगर एकता सन्देश सभा अत्तरियास्थित नमस्ते पार्टी प्यालेसमा आयोजना गर्न लागिएको हो ।
एकता सन्देश सभाका नेपाली कम्युनिस्ट पार्टीका नेता डा.भीम रावलको उपस्थिति रहने उनले जानकारी दिए ।
नेपाली कम्युनिस्ट पार्टीले देशव्यापी एकता सन्देश सभा गरिरहेको छ ।
सोही सिलसिला यही मंसिर १२ गने धनगढीमा सुदूरपश्चिम प्रदेशस्तरीय पार्टी एकता सभा गरेको थियो ।
नेकपा (माओवादी केन्द्र) र एकीकृत समाजवादी सहित १५ घटकबीच एकीकरण भएपछि नवगठित नेपाली कम्युनिस्ट पार्टीले हाल प्रदेश,जिल्ला र स्थानीय तहहरूमा एकता सभा गरिरहेको छ ।
