धनगढी । किसान बहुउदेश्यीय सहकारी संस्था लिमिटेडको धनगढी शाखाको ३१औं साधारण सभा तथा एकाइ भेला सम्पन्न भएको छ ।
आज धनगढीमा सहकारीको धनगढी शाखाको वार्षिक साधारण सभा तथा एकाइ भेला सम्पन्न भएको हो ।

साधारण सभाको उद्घाटन सत्रमा बोल्दै धनगढी उपमहानगरपालिका–४ का वडाध्यक्ष बुद्धिबहादुर खड्काले किसान सहकारीले राम्रो काम गर्दै आएको बताए । उनले यस संस्थाले आफ्ना शेयर सदस्यलाई सानोतिनो ऋण उपलब्ध गराएर व्यवसायतर्फ उन्मुख गराएको बताउँदै रोजगारी समेत सिर्जना भएको बताए । उनले विभिन्न संस्थाले गर्ने यस्ता रोजगारी सिर्जनाका कामले सरकारलाई समेत टेवा पु¥याउने बताए ।

कार्यक्रममा बोल्दै किसान सहकारी संस्थाका सञ्चालक समितिका अध्यक्ष सुरेन्द्रकुमार शाहले स्थापनाकालदेखि संस्थाले विभिन्न वाधाव्यवधान पार गरेर यो अवस्थामा पुगेको बताए ।

उनले पछिल्लो समय राजनीतिक बल,आफू खुशीका आधारमा चल्दा विभिन्न सहकारीहरु धारासायी भएको बताउँदै त्यो अवस्था आउन नदिन किसानले विभिन्न नीति,कार्यविधि बनाएर काम गरिरहेको बताए । 

कार्यक्रममा बोल्दै सहकारी संस्थाको केन्दीय कार्यालयका विभागीय प्रमुख कुलप्रसाद तिमिल्सिनाले २०५२ सालमा २५ जनाको ६० हजार ३१२ पुँजीबाट सुरु भएको सहकारीका हाल ९२ हजार शेयर सदस्य रहेको बताए ।

उनले संस्थाको हाल शेयर पुँजी ९१ करोड ७१ लाख,जगेडा कोषमा ३५ करोड ७३ लाख,कुल वचत ४ अर्ब ८८ करोड,कुलसम्पत्ति ७ अर्ब १२ करोड रहेको बताए । त्यस्तै,लगानी भइरहेको कर्जा ५ अर्ब १२ करोड,विभिन्न कोषमा जम्मा रकम ७४ करोड ६१ लख र हाल तरलताको अवस्था २९. १४ प्रतिशत रहेको उनले बताए । संस्थाले वित्तीय,एग्रो र मार्ट क्षेत्र अगालेर काम गरिरहेको उनले बताए ।

कार्यक्रममा बोल्दै कवर हव मल्टिपर्पोजका केशव गिरीले सामान्य अवस्थाबाट सुरु भएको किसान सहकारीले राम्रो प्रगति गरेको बताए ।
संस्थाले प्रत्येक वर्ष प्रगति गरिरहेको बताउँदे उनले शेयर धनीलाई लाभान्स वितरण गर्ने गरेको बताए । संस्थाले दिगोरुपमा स्थापित हुनका लागि दीर्घकालीन निर्णय गरेर अघि बढेको बताए ।

कार्यक्रममा एसईईमा उत्कृष्ट अंक ल्याउने चार जना शेयर सदस्यका चार जना छोराछोरीलाई किसान कोष शिक्षा पदक प्रदान गरिएको थियो उत्कृष्ट शेयर सदस्य सम्मान अन्तरगत १० जना शेयरलाई सम्मान गरिएको थियो ।

त्यस्तै, ३ जना मृतक शेयर सदस्यका परिवारलाई जन्मदेखि मरणोपरान्त किसान कोष अन्तरगत कर्जा मिनाहा सुविधा प्रदान गरिएको थियो भने उत्कृष्ट केन्द्र सम्मान कार्याक्रम अन्तरगत ३ वटा केन्द्रलाई सम्मान गरिएको थियो ।

कार्यक्रमको सञ्चालन किसान बहुउदेश्यीय सहकारी संस्था लिमिटेडका धनगढी शाखा प्रमुख विनोद मिजारले गरेका थिए भने संस्थाकी कर्मचारी निर्मला विनाडीले स्वागत मनतव्य राखेकी थिइन् ।