कैलाली । सुदूरपश्चिम प्रदेशमा एक वर्षको अवधिमा सवारी दुर्घटनाबाट २०० जनाको मृत्यु भएको छ ।
विसं २०८२ देखि २०८३ को असार २१ गते सम्ममा एक हजार ४५१ सवारी दुर्घटना हुदा २०० जनाको मृत्यु भएको हो ।
एक हजार तीन सय ३३ जना गम्भीर घाइते र एक हजार एक सय ५५ जना सामान्य घाइते रहेको नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय अत्तरियाका सूचना अधिकारी एवं प्रवक्ता मनिराम भट्टले निशाना न्युजलाई जानकारी दिए ।
त्यस्तै, ट्राफिक नियमको पालना नगरि ३६ हजार २९५ सवारी साधन कारबाही गर्दा जरिवाना वाफत २ करोड ९९ लाख ४६ हजार पाँच सय राजश्व संकलन भएको उनले बताए ।
कारबाही गरिएको सवारी साधनमा मापासे सेवनगरी चलाएका सवारी साधन २ हजार ४ सय ४२ रहेको र सोबाट जरिवानावाफत १३ लाख ४३ हजार राजश्व संकलन भएको उनले बताए ।
अहिले व्रेजलाईजरबाट मापासे चेकिङमा कडाइ गरिनुका साथै चिकित्सकसमेतलाईसँगै लगेर लापसेको चेकिङ पनि भइरहेको उनले बताए ।
दुर्घटना न्युनिकरणका लागि स्कुल सम्पर्क कार्यक्रम र समुदाय स्तरमा पनि विभिन्न जनचेतनाका कार्यक्रम भइरहेको उनको भनाइ छ ।
चालकसँग १ मिनेट कार्यक्रम र लामो दुरीका सवारी साधनमा अनिवार्य दुई जना चालक हुनुपर्ने व्यवस्था मिलाइएको उनले बताए ।
५ हजार ६९२ पटक जनचेतनाका कार्यक्रम गरिदा १ लाख ८२ हजार ५५४ लाभान्वित भएको उनले बताए । विगतको तुलनामा सवारी दुर्घटनामा कमी आइरहेको उनले बताए ।
