धनगढी । कैलालीबाट अवैध लागूऔषधसहित तीन जना पक्राउ परेका छ ।
जिल्लाको गोदावरी नगरपालिका-९ बाट अवैध लागूऔषध चरेश जस्तो देखिने कालो पदार्थ १७२ ग्राम ९३ मिलिग्राम र एक थान डिजिटल काँटासहित सोही ठाउँ बस्ने ३५ वर्षीया पार्वती गुरधामीलाई निजको घरबाटै बिहिबार प्रहरीले पक्राउ गरेको जनाएको छ ।
विशेष सूचनाको आधारमा लागूऔषध नियन्त्रण ब्युरो शाखा धनगढी र इलाका प्रहरी कार्यालय मालाखेतीबाट खटिएको सँयूक्त प्रहरीले उनलाई उक्त पदार्थ सहित पक्राउ गरेको जनाएको छ ।
यसैगरी,लम्कीचुहा नगरपालिका-४ बलियाबाट अवैध लागूऔषध खैरो हेरोइन जस्तो देखिने पदार्थ ३ ग्राम ७०० मिलिग्राम सहित सोही ठाँउ बस्ने २१ वर्षीय उज्जल चौधरीलाई बिहिबार गोप्य सूचनाको आधारमा निजको घरबाटै प्रहरीले पक्राउ गरेको जनाएको छ । ईलाका प्रहरी कार्यालय लम्कीबाट खटिएको प्रहरीले उनलाई उक्त पदार्थ सहित पक्राउ गरेको जनाएको छ ।
यसैगरी,लम्कीचुवा नगरपालिका-४ बलियाबाट अवैध लागूऔषध खैरो हेरोइन जस्तो देखिने पदार्थ २१० मिलिग्राम सहित सोही ठाँउ बस्ने २३ वर्षीय अमित चौधरीलाई बिहिबार प्रहरीले पक्राउ गरेको छ ।
इलाका प्रहरी कार्यालय लम्कीबाट खटिएको प्रहरीले उनलाई उक्त पदार्थ सहित पक्राउ गरेको हो ।
