कैलाली । सुदुरपश्चिम प्रदेशमा माग अनुसारको मल नआउनुले अभाव कायम रहेको छ । एक लाख ५५ हजार मेट्रिकटन प्रदेशमा मल आबश्यक हुन्छ तर सो वरावरको मल नआउनुले अभाव कायम रहदै आएको हो ।
गत बर्षको तुलनामा यो बर्ष मल अलि बढी नै आएको कृषि सामाग्री कम्पनी लि. प्रादेशिक कार्यालयका प्रवन्धक नवल सिह वोगटीले निशाना न्युजलाई जानकारी दिए । माग अनुसारको मल आउदैन चानचुन मागको ४० प्रतिशत जती मल आउछ उनले भने नेपालमा मलको उत्पादन छैन बिदेशको भर पर्नुले मलको अभाव कायम रहदै आएको हो ।
उनले चालु आर्थिक बर्ष २०८२ साउन देखि २०८३ को अषाढ सम्म कार्यालयले सुदुरपश्चिम प्रदेशका ४७५ सहकारी मार्फत १५ हजार ३८२ मेट्रिकटन युरिया ,८ हजार ३ सय ८९ मेट्रिकटन डिएपी र ८ सय १८ मेट्रिकटन पोटास बिक्री गरेको बताए ।
त्यस्तै गत आर्थिक बर्ष २०८१।८२ मा १२ हजार ८४३ मेट्रिकटन युरिया, ८ हजार ६४७ डिएपी र ४९३ मेट्रिकटन पोटास बिक्री गरेको उनकोे भनाई छ ।
त्यस्तै साल्टट्रडिङ्ग कप्रोरेशन लिमिटेडले पनि आर्थिक बर्ष २०८२।८३ मा ७ हजार ४७६ मेट्रिकटन युरिया, ७ हजार ६४६ डिएपी र ५९१ मेट्रिकटन पोटास बिक्री गरेको छ । गत आर्थिक बर्ष २०८१।८२ मा युरिया ६ हजार ८६९, डिएपी एक हजार ६५५ र पोटास ६७७ मेट्रिकटन बिक्री गरेको कार्यालयका प्रमुख तेज वहादुर कुँवरले बताए । यो वर्ष इरान अेमेरिकाको दोन्द्धका कारणले मल ढिला गरी आउनुले पनि कृषकलाई समस्या भएको उनले बताए ।
