धनगढी । कैलालीको गोदावरी नगरपालिका–७, जमुना नगर (नहर टोल, श्रीपुर) निवासी पार्वती बोगटी उपचारका लागि धनगढी गएपछि सम्पर्कविहीन भएकी छन्।
परिवारका अनुसार बोगटी २०८३ साल असार २६ गते (१० जुलाई २०२६) उपचारका लागि धनगढी गएकी थिइन्। त्यसयता उनी परिवारको सम्पर्कमा नआएको र हालसम्म उनको अवस्था तथा ठेगाना खुल्न नसकेको जनाइएको छ।
परिवारले उनको व्यापक खोजी गर्दा पनि कुनै जानकारी प्राप्त नभएपछि सबैसँग खोजीमा सहयोग गरिदिन अपिल गरेको छ। नेपालका कुनै पनि स्थानमा वा भारतका मुम्बई, पुणे, बैंगलोर, पञ्जाब लगायत अन्य जुनसुकै ठाउँमा उनलाई देख्नु वा फेला पार्नु भएमा तत्काल परिवारलाई वा सम्बन्धित फेसबुक आईडी तथा उपलब्ध गराइएको सम्पर्क नम्बरमा जानकारी गराइदिन अनुरोध गरिएको छ।
परिवारले समयमै सूचना प्राप्त भएमा उनको सकुशल उद्धार तथा घर फर्काउन सहज हुने विश्वास व्यक्त गर्दै सबैलाई यो सूचना बढीभन्दा बढी साझा गरी सहयोग गरिदिन आग्रह गरेको छ।