धनगढी । कञ्चनपुरबाट बेवारिसे काठ बरामद गरिएको छ । जिल्लाको कृष्णपुर नगरपालिका–१ बाणीस्थित दिपेन्द्र स्मृति सामुदायिक वन उपभोक्ता समूह बंकको भवनको एरियाबाट बेवारिसे काठ बरामद गरेको प्रहरीले जनाएको छ ।
भवन एरियाभित्र काठ ल्याई बेवारिसे अवस्थामा राखेको छ भन्ने सूचनाको आधारमा इलाका प्रहरी कार्यालय गुलरिया,डिभिजन वन कार्यालय महेन्द्रनगर र सव डिभिजन वन कार्यालय बाणीबाट संयुक्त रुपमा खटिएको टोलीले साल जातको गोलिया थान–६६ (६०० क्यु.फिट) काठ शुक्रबार राति बेवारिसे अवस्थामा फेला पारी बरामद गरेको जनाएको छ ।
बरामद गरिएको काठ आवश्यक प्रक्रिया पूरा गरी आवश्यक कारवाहीको लागि सव वन डिभिजन कार्यालय बाणीको जिम्मा लगाएको जनाएको छ ।
