धनगढी । कैलालीमा अवैध लागूऔषधसहित एकैदिन ७ जना पक्राउ परेका छन ।
शनिबार जिल्लाका विभिन्न ठाउँबाट प्रहरीले उनीहरूलाई पक्राउ गरेको हो ।
जिल्लाको गोदावरी नगरपालिका-९ सेहरी स्थित भित्री सडक खण्डबाट अवैध लागूऔषध खैरो हेरोइन जस्तो देखिने पदार्थ २ ग्राम ५६० मिलिग्राम र नगद रु.३५ हजार ३ सयसहित सोही नगरपालिका-८ “झ” गाँउ बस्ने ३० वर्षीय अशोक चौधरी र २४ वर्षीय दीपक चौधरीलाई पक्राउ गरिएको प्रहरीले जनाएको छ ।
त्यसैगरी,धनगढी उपमहानगरपालिका-१० घुँइयाघाटबाट अवैध लागूऔषध खैरो हेरोइन जस्तो देखिने पदार्थ १७१ मिलिग्रामसहित सोही ठाउँ बस्ने ३० वर्षीय सञ्जय रानालाई पक्राउ गरेको जनाएको छ ।
त्यसैगरी, टीकापुर नगरपालिका-९ खक्रौलाबाट अवैध लागूऔषध खैरो हेरोइन जस्तो देखिने पदार्थ ३ ग्राम ३५० मिलिग्रामसहित बर्दियाको राजापुर नगरपालिका-५ पाहाडीपुर बस्ने दुईजना १८ बर्षिय किशोरलाई पक्राउ गरेको जनाएको छ ।
त्यसैगरी,टीकापुर नगरपालिका-९ खक्रौलास्थित सत्ती भन्सार कार्यालय नजिकबाट अवैध लागूऔषध खैरो हेरोइन जस्तो देखिने पदार्थ ६० मिलिग्रामसहित सोही नगरपालिका-१ ब्लक नं. १० बस्ने ३१ वर्षीय हिमाल रावल र लम्कीचुहा नगरपालिका-३ बस्ने ४० को राकेश गुरुङलाई पक्राउ गरेको प्रहरीले जनाएको छ ।
