धनगढी । कैलालीमा अवैध लागूऔषधसहित एकैदिन ६ जना पक्राउ परेका छन ।
जिल्लाका विभिन्न स्थानबाट आइतबार प्रहरीले उनीहरूलाई पक्राउ गरेको हो ।
जिल्लाको जोशीपुर गाउँपालिका-१ पिपलकोटीबाट अवैध लागूऔषध खैरो हेरोइन जस्तो देखिने पदार्थ ६ ग्राम ६३० मिलिग्राम सहित ४ जनालाई प्रहरीले पक्राउ गरेको छ ।
पक्राउ पर्नेहरूमा भजनी नगरपालिका-८ खैरा बस्ने २७ वर्षीय किरण चौधरी,सोही नगरपालिका-६ थापापुर बस्ने १८ बर्षिय किशोर, जानकी गाउँपालिका-४ कञ्चनपुर बस्ने २४ वर्षीय श्याम कठरिया र २२ वर्षीय रुपेश कठरिया रहेका प्रहरीले जनाएको छ ।
गोप्य सूचनाको आधारमा ईलाका प्रहरी कार्यालय भजनीबाट खटिएको प्रहरीले चेकजाँच गर्दा उक्त पदार्थ फेला पारी उक्त पदार्थ, निजहरुले प्रयोग गरेको मोटरसाइकल २ थानसहित चारै जनालाई पक्राउ गरेको जनाएको छ ।
त्यसैगरी,लम्कीचुहा नगरपालिका-७ बजारबाट अवैध लागूऔषध खैरो हेरोइन जस्तो देखिने पदार्थ ५५० मिलिग्राम सहित सोही ठाउँ २९ वर्षीय रेहान चौधरी र २७ वर्षीय अजय चौधरीलाई पक्राउ गरेको प्रहरीले जनाएको छ ।
