धनगढी । कैलालीमा प्रहरीले अवैध लागूऔषधसहित ४ जनालाई पक्राउ गरेको छ ।
मंगलबार जिल्लाका विभिन्न स्थानबाट उनीहरूलाई प्रहरीले पक्राउ गरेको हो ।
धनगढी उपमहानगरपालिका-२ विशालनगरबाट अवैध लागूऔषध खैरो हेरोइन जस्तो देखिने पदार्थ ९४ मिलिग्रामसहित सोही ठाउँ बस्ने ३५ वर्षीय योगेश पाल र ४३ वर्षीय सुवाश हमाललाई पक्राउ गरेको प्रहरीले जनाएको छ ।
त्यसैगरी,टीकापुर नगरपालिका-१ खडकचोकबाट अवैध लागूऔषध खैरो हेरोइन जस्तो देखिने पदार्थ ६७० मिलिग्रामसहित गोदावरी नगरपालिका-७ बस्ने २३ वर्षीय मीन रावललाई पक्राउ गरिएको प्रहरीले जनाएको छ ।
त्यसैगरी,धनगढी उपमहानगरपालिका-३ मिलन चोकबाट नियन्त्रित लागूऔषध स्पास २४० ट्याब्लेटसहित सोही उपमहानगरपालिका-१२ जुगेडा बस्ने १९ वर्षीय बिर्खबहादुर नेपालीलाई पक्राउ गरेको जनाएको छ ।
