धनगढी । कञ्चनपुरको भीमदत्त नगरपालिका–१८ सालघारीबाट प्रहरीले कटुवा पेस्तोलसहित ४ पक्राउ गरेको छ ।
पक्राउ पर्नेमामा कैलालीको गोदावरी नगरपालिका–१ बस्ने २० वर्षीय पारस रोकाया,कञ्चनपुरको बेल्डाडी गाउँपालिका–३ बस्ने १८ वर्षीय विपिन सिंह, २० वर्षीय नितेश सिंह र कृष्णपुर नगरपालिका–६ बस्ने २० वर्षीय राजेन्द्र सिंह गोयला रहेको जिल्ला प्रहरी कार्यालय कञ्चनपुरका प्रवक्ता प्रहरी नायव उपरीक्षक टेकबहादुर रावतले जानकारी दिए ।
जिल्ला प्रहरी कार्यालय र मातहत वडा प्रहरी कार्यालय महेन्द्रनगरबाट खटि गएको प्रहरी टोलीले निजहरुलाई शंकालागी सोधपुछ तथा चेकजाचँ गर्दा मोवाईलमा कटुवा पेस्तोल सहितको फोटो/भिडियो देखिइ थप अनुसन्धान गरिएको जनाइएको छ ।
थप अनुसन्धान गर्दा विपिन सिंह बस्दै आएको भीमदत्त नगरपालिका–१८ स्थित मामा भान्जा चोक स्थित डेरा कोठामा खानतलासी गर्दा निजहरुले लुकाइछिपाइ राखेको कटुवा पेस्तोल फेला पारेको जिल्ला प्रहरी कार्यालयले जनाएको छ । सो सम्बन्धमा आवश्यक अनुसन्धान कार्य भईरहेको प्रहरीले जनाएको छ ।
