एजेन्सी । गुलाफको फूल अधिकांशको रोजाइमा पर्ने गर्छ । प्रेमको प्रतिक पनि मानिने यो फूलमा यस्ता धेरै गुण छन् जसले तपाईको सुन्दरता बढाउँछ । अनुहारमा निखार ल्याउन यसको भरपुर प्रयोग गर्न सकिन्छ ।
गुलाफको फूलमा पाइने गुणले छालाको चाउरीपना, चाया पोतो, डण्डिफोर जस्ता समस्यालाई निकै हदसम्म कम गर्छ ।
छालाको संक्रमणबाट बच्न यो एक राम्रो विकल्प हो । गुलाफको फूललाई पेस्ट बनाएर लगाउँदा अनुहारमा चमक ल्याउनुका साथै छालामा भएका सबै समस्याबाट छुटकारा दिन्छ ।
साथै यसले छालाको क्षतिग्रस्त कोशिकाहरूलाई मर्मतसमेत गर्छ ।
यसबाट टोनर पनि बनाउन सकिन्छ । टोनल बनाउनका लागि गुलाबको फूल पानीमा पकाउनुहोस् र केही समय पानी उम्लिएपछि फूललाई छानेर पानी एउटा भाँडोमा हाल्नुहोस् र उक्त पानी फेसमा टोनरको रुपमा प्रयोग गर्नुहोस् । यसले तपाईंको छालाको पीएच स्तर सुधार्छ।
तपाईं गुलाबबाट फेस स्क्रब पनि तयार गर्न सक्नुहुन्छ । यसको लागि गुलाबको फूलको पेस्ट बनाउनुहोस् र उक्त पेस्टमा कागतीको रस र चिनी मिसाउनुहोस् । अब यसलाई आफ्नो अनुहारमा लगाउनुहोस्। यसले पिग्मेन्टेसनको समस्यालाई हटाउँछ भने छालाको रङमा पनि निखार ल्याउँछ ।
