काठमाडौं- नागरिक उन्मुक्ति पार्टी (नाउपा) का संरक्षक रेशमलाल चौधरीले रेडियो नेपालमा पुगेर गीत प्रस्तुत गरेका छन् । उनले वैदेशिक रोजगारीमा रहेका युवालक्षित गीत प्रस्तुत गरेका हुन् ।
उनको गीतको बेला रहेको छ ‘पुग्ने मन थिएन विदेशमा बस्नलाई हो ।’ जेलमुक्त भएपछि राजनीतिक कार्यक्रममा सक्रिय रहेका रेशमले रेडियो नेपालमा पुगेर पुराना साथीसँग भेट गर्दै रेडियोको अवलोकनसमेत गरे । उनी यही १५ जेठमा गणतन्त्र दिवसको अवसरमा राष्ट्रपति रामचन्द्र पौडेलले आममाफी दिएपछि रिहा भएका थिए ।
कानुन अनुसार रेशम २०९४ सालसम्म जेल सजायमा बस्नुपर्ने थियो । तर, सरकारले गणतन्त्र दिवसको अवसरमा आममाफी दिने निर्णयपछि उनी १४ वर्षअघि नै जेलमुक्त भए ।
२०७४ फागुनमा पक्राउ परेका रेशममाथि टीकापुर नरसंहारमा एक बालकसहित ९ जना सुरक्षाकर्मीको वीभत्स तथा निर्मम तरिकाले हत्या गरेको अभियोग छ ।
