एजेन्सी- शरीरमा रगतको कमी हुँदा अक्सीजनको पनि कमी हुँदै जान्छ जसले गर्दा थकान, कमजोरी तथा स्वास फेर्न पनि गाह्रो हुने जस्ता समस्याहरु आउन सक्छ । यस्तो समस्यामा विभिन्न फलका जुसहरु पिएर तपाईंले शरीरमा रगतको कमी पूरा गर्न सक्नुहुन्छ ।
अनारको जुस
एनीमियाको समस्या प्रायः शरीरमा हेमोग्लोबिनको कमीले हुने गर्छ । हेमोग्लोबिनको स्तर बढाउनका लागि अनारको जुसको सेवन एकदमै फाइदाजनक हुन सक्छ ।
अंगुरको जुस
अंगुरमा आइरन र भिटामिन सीको भरपूर मात्रा हुन्छ जसले शरीरमा हेमोग्लोबिन बढाउन सहयोग गर्छ । हेमोग्लोबिनको मात्रालाई बढाएपछि एनीमियाको समस्या कम हुन्छ ।
अम्बाको जुस
अम्बामा आइरन तथा भिटामिन सी प्रसस्त मात्रामा पाइन्छ जो शरीरमा हेमोग्लोबिन बढाउनका लागि सहयोगी हुन्छ । शरीरमा रगतको कमी हुँदा अम्बाको जुस वा अम्बा खानु एकदमै फाइदाजनक मानिन्छ ।
स्याउको जुस
स्याउमा धेरै प्रकारका मिनरल्स तथा भिटामिनहरु भरपूर मात्रामा पाइन्छ । जसले रातो रक्तकोषिकाहरु बढाउने काम गर्छ । जसले गर्दा शरीरमा रगत पनि बढ्न थाल्छ ।
हरियो सागको जुस
एनीमिया वा रगतको कमी हुँदा हरियो पात भएका तरकारीहरुको जुस सेवन गर्नु पनि फाइदा जनक मानिन्छ । विशेषगरी यस्ता साग तथा तरकारीमा आइरन र भिटामिन सी प्रसस्त हुन्छ जसले रगतमा रातो सेल्सहरु बढाउने काम गर्छ ।
चुकन्दरको जुस
शरीरमा हेमोग्लोबिनको कमी हुँदा एनीमियाको समस्या हुन सक्छ । यस्तोमा चुकन्दरको जुस पिउँदा शरीरमा आइरनको मात्रा बढ्छ जसले हेमोग्लोबिन पनि बढाउने गर्छ ।
ब्रोकाउली जुस
ब्रोकाउलीमा पनि भिटामिन सी तथा आइरन पाइन्छ जसले शरीरमा हेमोग्लोबिनको मात्रालाई बढाउन सहयोग गर्छ । यस्तो रगतको कमी भएको अवस्थामा ब्रोकाउलीको जुस पनि एकदमै फाइदाजनक मानिन्छ ।
