धनगढी । प्रधानमन्त्री तथा नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ धनगढी आउने भएका छन् ।
असोज २९ गते (सोमबार) धनगढीमा हुने चार दलीय समाजवादी मोर्चाकोे सन्देशसभाको सम्बोधनका लागि प्रचण्ड धनगढी आउन लागेका हुन् ।
प्रधानमन्त्री प्रचण्ड मोर्चाको सन्देशसभालगायत पार्टीका अन्य आन्तरिक कार्यक्रमहरुमा पनि सहभागी हुने माओवादी केन्द्रका सुदूरपश्चिम प्रदेश सचिव जनक बुढाले जानकारी दिए । धनगढीमा हुने सन्देशसभालाई प्रधानमन्त्री प्रचण्ड,एकीकृत समाजवादीका अध्यक्ष तथा पूर्व प्रधानमन्त्री माधवकुमार नेपाल,जसपाका अध्यक्ष उपेन्द्र यादव र नेकपाका महासचिव नेत्रविक्रम चन्द (विप्लव)ले सम्बोधन गर्ने जनाइएको छ ।
यसअघि दुई पटक समाजवादी मोर्चाको सन्देश सभा स्थगित भएको थियो ।
