धनगढी- कैलालीको गौरीगंगा नगरपालिका वडा नम्बर ११ ऐंठा गाँउका क्यान्सरपीडित ५३ वर्षीय जोखनराम डगौरा थारुको आर्थिक अभावमा उपचारमा समस्या भएको छ । लामो समयदेखि घाँटीको क्यान्सर लागेका थारुको आर्थिक अवस्था कमजोर भएपछि उनको उपचारमा समस्या भएको हो ।
उनको सुशील कोइराला प्रखर क्यान्सर अस्पताल खजुरा बाँकेमा उपचार भइरहेको छ । तर आर्थिक अभावमा उपचारमा समस्या भएपछि उनकी छोरी रितु चौधरीले बुवाका ज्यान बचाइदिन भन्दै अपिल गरेकी छन् ।
बुवा लामो समयदेखि बिरामी रहेपनि दुई महिना अगाडि मात्रै क्यान्सर देखिएको उनले बताइन् । क्यान्सर देखिपछि पहिला सेती प्रादेशिक अस्पतालमा उपचार गराएको र अहिले एक महिनादेखि सुशील कोइराला प्रखर क्यान्सर अस्पताल खजुरामा उपचार भइरहेको छ ।
थारुको श्रीमती र पाँचवटा छोरी छन् । क्यान्सरपीडित थारुलाई कोहीले आर्थिक सहयोग गर्न चाहेमा ९८११६०५१७२ यस नम्बरमा सम्पर्कका साथै उनकी छोरी अपिसा चौधरीको नाममा रहेको माछापुच्छे बैँक लिमिटेडमाको वचत खाता नम्बर १८९०९४८१९७४०००१९ सहयोग गरिदिन आग्रह गरिएको छ ।
